Isiphathandla seMDC-T eHurungwe West, uMnu. Admire Maraka ubikwa ethunjiwe ngabacatshangelwa ukuthi ngabasekeli beZanu PF watshaywa kabuhlungu emadabukakusa.
Kodwa uMarakwa uthi uphunyukile watshaya ijubane wayacatsha ezintabeni andubana amapholisa aziswe ngumkakhe.
“Abantu laba baze ekuseni ngezikhathi zabo 1 am bathi bathunywe ngesiyne isiphathamandla sebandla le Zanu PF bahamba lami bengitshaya,” kutsho uMaraka
Uthi bathe lapha behamba laye bemtshaya bebekhulum ukuthi bafuna ukumbulala. Kodwa uthi lapho ethola ixesha wahle waphunyuka watshaya izithende esiphundu wayecatsha ezintabeni.
Uthi ngokuya kwesikhathi usuke wayacatsha esitolo somfowakhe kodwa amapholisa ahle aphanga abopha omunye wabantu kade bemthumbile.
“Amapholisa athe ngiyehlolwa ngudokotela ukuze kwazakale ukuthi ngilemele kanganani,” kutsho uMaraka owengezelele esithi ulimele ezandleni, enyaweni lasekhanda.
Obotshiweyo ucatshangelwa ukuthi uzasiwa emthethwandaba ngoLwesithathu.
Amapholisa kawasabelanga incingo ukuze sizwe icele labo.
Isigaba se Hurungwe West kasisahlalisekanga kwezombusazwe kulandela ukuxotshwa kubandla le Zanu PF okwenziwa owayesimela edale lephalamende, uMnu. Themba Mliswa.