Kuhlelo lwezizalwane zeZimbabwe ezihlala emazweni liviki sixoxa loMnu. Kuthula Matshazi ongene kukhetho lwamakhansili edolobheni elibizwa ngokuthi yi Iqaluit esabelweni seNunavut, eCanada.
UMatshazi owafunda eZimbabwe ucatshangelwa ukuthi yisizalwane sokuqala seZimbabwe esingene kukhetho lolu.
Indawo le eyaziwa ngokubalamakhaza amangalisayo ucabanga ukuthi uzanqoba kukhetho lolu.
UMatshazi uthi ulwela ukuthi uzulu abelokudla, kube lemigwaqo ebukekayo kanye lezibhedlela eziphezulu ezikhangelane lempilakahle kazulu.
Kukhanya eyisizalwane seZimbabwe esokuqala esingene kukhetho lwedolobho leli elilabantu ababephila kakhulu ngokuzingela lingakakhiwa.
Lokhe abantu laba beziqhenya ngokuzingala inyamazana ezinjengama Caribou lokuthiya inhlanzi.
UMatshazi ubona engani uzanqoba kukhetho lolu oludinga amakhansili ayisitshiyagalolunye.
