Ugatsha lwezempilakahle namuhla lusungule uhlelo lokupha abantu imithi yokuzivikela kumkhuhlane wohudo ngesikhathi umemetheka ngamandla kwezinye izigaba eZimbabwe.
Uhulumende usungule uhlelo lweCholera Vaccination eKuwadzana, Glenview, Chiredzi lesigabeni seBuhera okumemetheka khona ngamandla umkhuhlane lo.
NgoLwesihlanu uhulumende wamukele abathi yiOral Cholera Vaccines angaba zinkulungwane ezingamakhulu phose ayisificamunwemunye- 892,000 vaccines.
Abantu abedlula amatshumi ayisikhombisa - 71 sebebulewe ngumkhuhlane wohudo kuthi njalo abafika phose amakhulu amane – 393 labo bacatshengelwe ukuba babulewe ngumkhuhlane lo.
Ugatsha lwezempilakahle lubika ukuba selulemithi yokuvikela umkhuhlane wohudo eyedlula izigidi ezimbili - 2.2 million.
Kusungulwa uhlelo lokuvikela umkhuhlane wohudo eHarare namuhla, uMnu Charles Tawangwa emele umphathintambo wezempilakhle, uDokotela Douglas Mombeshora uchaze ukuba kuqakathekile ukuthi inhlanganiso ezehlukeneyo zibambane lohulumende ekulwiseni lomkhuhlane lo.
Umgcinisihlalo wezempilakahle koBulawayo phansi kogatsha lwezempilakahle lukahulumende uDokotela Maphios Siamuchembu uchasisa ngesimo sawo kuleli dolobho.
Ingcwethi kwezempilakahle uSikhwicamfundo Solwayo Ngwenya uthi umkhuhlane lo ulakho ukumemetheka ngamandla.
USikhwicamfundo Ngwenya uqhubekele phambili ebonisa uzulu ngalo umkhuhlane.
Umqondisi wezempilakhle kukhansili yako Bulawayo uDokotela Edwin Sibanda uthi balaso isibhedlela esibona ngokwelatshwa komkhuhlane wohudo.
lsakhamuzi sakoBulawayo uNkosikazi Nokuthula Nyathi uthi labafundi ezikolo sebefundiswa kakhulu ngokuhlanzeka kanye lokuzivikela emkhuhlaneni onjengowesihudo.
Uhlelo olusungulwe namuhla lukhangelelwe ukuba luzaqhutshwa kwezinye izigaba kusikhatshana esilandelayo. EleZimbabwe lathola imithi le kunhlanganiso ezigoqela eyeGAVI, Vaccine Alliance lezinye ziphansi kweye International Working Group. Mhlaka 26 Zibandlela iZimbabwe ibelabantu abedlula inkulungwane ezingamatshumi amabili 20,951 ababanjwe ngumkhuhlane wohudo.
Forum