Ikomishini ebona ngezokhetho, iZimbabwe Electoral Commission, ithi asephelile amalungiselelo amaby-elections edale lephalamende eMarondera Central, eMbire laseEpworth ngoMgqibelo.
Amabandla azancintisa kulolukhetho abalisa eleZanu PF, iTransform Zimbabwe, iZapu, NCA, leFreedom Front.
AbeMDC kabasoze baphatheke kulolu khetho ngoba besithi bafuna kuqondiswe indlela ukhetho oluqhutshwa ngayo kuqala.
Inhlanganiso yeZimbabwe Election Suport Network, ezabona ngokuqhutshwa kwalolukhetho izimele layo ithi ibingakezwa ngokuhlukuluzwa kwabantu kumbe ukwethuselwa okuvame ukuba khona.
Umgcinisihlalo webandla leNCA koBulawayo uMnu Gibson Moyo utshele iStudio 7 ukuthi njengebandla elisacathulayo, bazangena kulo lonke ukhethi ukuze baziwe nguzulu.
"Ama-candidates ethu athi kuhamba kuhle konke, bayazama sibili," kutsho uMoyo.
"Njenge-party entsha abantu abakasijayeli kakhulu kodwa ke hayi, kukhanya kuba lobubelo."
