Kuqhutshwa imihlangano ezabelweni ezitshiyeneyo eZimbabwe okulamalunga ebandla leZanu PF afuna uMongameli Emmerson Mnangagwa aqhubeke esembusweni.
Bekulomhlangano omkhulu eGwanda ngoLwesihlanu owokuhlolisisa isinqumo esathathwa emhlanganweni weAnnual National People’s Conference esokuthi uMnangagwa kumele eqhubeke esembusweni kungafika umnyaka ka2028, okugqitshwa umbuso wakhe.
Akade besemhlanganweni lo njengalabo abenze imihlangano efanayo eMasvingo, Mashonaland West lezinye izabelo, bathi uMnangagwa kumele aqhubeke esembusweni.
Kodwa kulabanye abakubandla leli abathi sokumele ayephumula. UMnangagwa yena uthi kalasifiso sokuqhubeka esembusweni.
Ukuze sihlaziye udaba lolu sixoxe loMnu. Malaki Nkomo okubandla leZanu PF osemhlanganweni webandla leli eGwanda.
Olandela ezombusazwe ezimele, uMnu. Fortune Mlalazi yena uthi akumangalisi okwenziwa libandla leli.
Forum