WASHINGTON DC —
Sokuqhamuke ukulwisana njalo kubandla le MDC elikhokhelwa nguMnu. Morgan Tsvangirai eMatabeleland North lapho umgcinisihlalo walelibandla uMnu. Sengezo Tshabangu asola umsekeli kamqoqi wenhlelo zalelibandla uMnu. Abednico Bhebhe ngokubiza umhlangano weProvincial Council ngoMgqibelo eLupane yena engamazisanga.
UTshabangu uthi abalelungelo lokubiza lumhlangano nguMnu. Tsvangirai, ikhomithi ye National Council kumbe eye Provincial Committee kuphela.Uthi akasoze aye kulumhlangano njalo kusobala ukuthi abazahamba yilabo abasekelana loBhebhe kuphela.
yena uBhebhe ngokwakhe uthe kasoze akhulume ngaloludaba umhlangano ungaka qhutshwa.
Kodwa umsekeli wesikhulumi salelibandla uMnu. Joel Gabhuza uthi uMnu. Morgan Tsvangirai nguye olaye ukuthi kwenziwe umhlangano lo ngemva kokuba amanye amalunga alelibandla esekhonone kakubi ngokuthi kunengi okuhluphayo esigabeni okufuna ukulungiswa, njalo uTshabangu uyazi kamhlophe ngawo.
UTshabangu uthi abalelungelo lokubiza lumhlangano nguMnu. Tsvangirai, ikhomithi ye National Council kumbe eye Provincial Committee kuphela.Uthi akasoze aye kulumhlangano njalo kusobala ukuthi abazahamba yilabo abasekelana loBhebhe kuphela.
yena uBhebhe ngokwakhe uthe kasoze akhulume ngaloludaba umhlangano ungaka qhutshwa.
Kodwa umsekeli wesikhulumi salelibandla uMnu. Joel Gabhuza uthi uMnu. Morgan Tsvangirai nguye olaye ukuthi kwenziwe umhlangano lo ngemva kokuba amanye amalunga alelibandla esekhonone kakubi ngokuthi kunengi okuhluphayo esigabeni okufuna ukulungiswa, njalo uTshabangu uyazi kamhlophe ngawo.