HARARE —
Kuqhamuke ukuxokozela edale lephalamende ngolweSibili ngendlela okumele ilandelwe ekuhluzeni ugwalo lwesisekelo sombuso esitsha ukuze lwamukelwe ube ngumthetho. Lokhu kulandela ukwethulwa kogwalo lolu edale lephalamende ngumpathintambo wendaba zesisekelo sombuso lendaba zephalamende uMnu Eric Matinenga kodwa ophange wathi umsebenzi wokuluhlaziya usuzakwenziwa ngolweSithathu.
Umphathintambo wemisebenzi yedale le phalamende lesisekelo sombuso u- Advocate Eric Matinenga wethulele ugwalo lwalesi sisekelo sombuso kudale safundwa okwakuqala ku first reading.
Ngemva kwalesi sehlakalo uMatinenga wazise idale ukuba ukufundwa kwesisekelo okwesibili sokuzakwenziwa ngolweSithathu eyinto emangalise abanengi edale abakade bekhangelele ukuba umsebenzi lo uphutshe khona ngolweSibili ngoba idale limise eminye imisebenzi yalo limelele isisekelo. UMatinenga uthi lokhu kube yikuvumelana kwe Management Committee ekhokhela ukulotshwa kwesisekelo lesi.
UMnumzana Edward Mkhosi webandla le MDC ekhokhelwa nguMnu Welshman Ncube omunye wabagcinisihlalo bekhomidi ekade ibona ngokulotshwa kwalesi sisekelo uthi idale belikhangelele ukuba lumsebenzi ufezwe ngemfanelo.
Kube lokuxokozela amalunga edale ikakhulu kucele le Zanu PF ekhonona ngokudluliselwa phambili kwalumsebenzi eyinto ekhombe ukuba kungaba lokungezwisisani ezintweni ezithile kuloludaba. Kodwa uMkhosi uthi kaboni isehlakalo esinje singaphuzisa ukwamukelwa kwalesi sisekelo lidale:
Lesi sisekelo samukelwe nguzulu we Zimbabwe ngobunengi bakhe kukhetho lwe Referendum olwenziwe mhla ka 16 ngoMbimbitho lonyaka njalo sizakwesula isisekelo esikhona okwamanje se Lancaster House esasungula ukusebenza zimhlaka 18 Mabasa 1980.
Umphathintambo wemisebenzi yedale le phalamende lesisekelo sombuso u- Advocate Eric Matinenga wethulele ugwalo lwalesi sisekelo sombuso kudale safundwa okwakuqala ku first reading.
Ngemva kwalesi sehlakalo uMatinenga wazise idale ukuba ukufundwa kwesisekelo okwesibili sokuzakwenziwa ngolweSithathu eyinto emangalise abanengi edale abakade bekhangelele ukuba umsebenzi lo uphutshe khona ngolweSibili ngoba idale limise eminye imisebenzi yalo limelele isisekelo. UMatinenga uthi lokhu kube yikuvumelana kwe Management Committee ekhokhela ukulotshwa kwesisekelo lesi.
UMnumzana Edward Mkhosi webandla le MDC ekhokhelwa nguMnu Welshman Ncube omunye wabagcinisihlalo bekhomidi ekade ibona ngokulotshwa kwalesi sisekelo uthi idale belikhangelele ukuba lumsebenzi ufezwe ngemfanelo.
Kube lokuxokozela amalunga edale ikakhulu kucele le Zanu PF ekhonona ngokudluliselwa phambili kwalumsebenzi eyinto ekhombe ukuba kungaba lokungezwisisani ezintweni ezithile kuloludaba. Kodwa uMkhosi uthi kaboni isehlakalo esinje singaphuzisa ukwamukelwa kwalesi sisekelo lidale:
Lesi sisekelo samukelwe nguzulu we Zimbabwe ngobunengi bakhe kukhetho lwe Referendum olwenziwe mhla ka 16 ngoMbimbitho lonyaka njalo sizakwesula isisekelo esikhona okwamanje se Lancaster House esasungula ukusebenza zimhlaka 18 Mabasa 1980.
