WASHINGTON DC —
Amanye amalunga enhlanganiso yentathelizindaba iZimbabwe Union of Journalists (ZUJ) selobele linhlanganiso incwadi eyixwayisa ukuthi kumele yenze umhlangano wayo weCongress ozakhetha inkokheli entsha inyanga le ingakedluli.
Intathelizindaba lezi, ezibalisa uBlessed Mhlanga, uMoses Matenga, uFrank Chikowore, uPindai Dube loNqobani Ndlovu, zithi iZUJ ingehluleka ukwenza lokhu, zizacela umthethwandaba ukuthi ungenele.
Zithi inkokheli yalinhlanganiso, egoqela unobhala jikelele wayo uMnu Foster Dongozi, isebenza ngaphandle komthetho ngoba iCongress ebimele ikhethe iziphathamandla ezintsha ngenyanga edluleyo, idluliselwe phambili ngudlu njalo ngokungekho emthethweni.
Intathelizindaba lezi zimelwa ngamagqwetha eGonese Attorneys, wona athi ukwehluleka kweZUJ ukulandela isisekelo sayo sombuso yinto embi kakhulu.
"Nxa silandela isisekelo seZUJ, iCongress ibimele yenziwe ngenyanga edluleyo," kutsho enye yalezintathelizindaba uNqobani Ndlovu.
"Kodwa kuthe ilanga leCongress selisondele, uMnu Dongozi waqoqa umhlangano labagcinisihlalo bengatsha zeZUJ ezabelweni, abamsekelayo kuphela. Kulapho ke abafike badlulisela lumhlangano kunyanga kaMpalakazi.
"Thina njengamalunga enhlanganiso, lokhu sikubona kuyikunyathezela phansi isisekelo seZUJ, ukwephula imithetho yeZUJ, ikakhulu nxa sikhangela ukuthi kuCogress edluleyo uDongozi wantshonsha ukhetho," kutsho uNdlovu.
Kodwa uMnu Dongozi uthe intathelizindaba lezi zisetshenziswa ngabanikazi bamaphephandaba ukubangela ukungezwani kunhlanganiso yakhe.
"Akulalutho olusimangalisayo ngoba siyazi ukuthi phakathi kwethu bakhona abamela izifiso zalabo esibasebenzelayo," kutsho uDongozi.
"Ayisikho okwakuqala lokhu ukuthi kwenzakale, bake bakuzama njalo ngeCongress edluleyo. Ngabantu abafisa ukuthi inhlanganiso ife ingabi lamandla, kodwa okwamanje angeke ngakhuluma kakhulu ngoba incwadi yabo angikayiboni."
Intathelizindaba lezi, ezibalisa uBlessed Mhlanga, uMoses Matenga, uFrank Chikowore, uPindai Dube loNqobani Ndlovu, zithi iZUJ ingehluleka ukwenza lokhu, zizacela umthethwandaba ukuthi ungenele.
Zithi inkokheli yalinhlanganiso, egoqela unobhala jikelele wayo uMnu Foster Dongozi, isebenza ngaphandle komthetho ngoba iCongress ebimele ikhethe iziphathamandla ezintsha ngenyanga edluleyo, idluliselwe phambili ngudlu njalo ngokungekho emthethweni.
Intathelizindaba lezi zimelwa ngamagqwetha eGonese Attorneys, wona athi ukwehluleka kweZUJ ukulandela isisekelo sayo sombuso yinto embi kakhulu.
"Nxa silandela isisekelo seZUJ, iCongress ibimele yenziwe ngenyanga edluleyo," kutsho enye yalezintathelizindaba uNqobani Ndlovu.
"Kodwa kuthe ilanga leCongress selisondele, uMnu Dongozi waqoqa umhlangano labagcinisihlalo bengatsha zeZUJ ezabelweni, abamsekelayo kuphela. Kulapho ke abafike badlulisela lumhlangano kunyanga kaMpalakazi.
"Thina njengamalunga enhlanganiso, lokhu sikubona kuyikunyathezela phansi isisekelo seZUJ, ukwephula imithetho yeZUJ, ikakhulu nxa sikhangela ukuthi kuCogress edluleyo uDongozi wantshonsha ukhetho," kutsho uNdlovu.
Kodwa uMnu Dongozi uthe intathelizindaba lezi zisetshenziswa ngabanikazi bamaphephandaba ukubangela ukungezwani kunhlanganiso yakhe.
"Akulalutho olusimangalisayo ngoba siyazi ukuthi phakathi kwethu bakhona abamela izifiso zalabo esibasebenzelayo," kutsho uDongozi.
"Ayisikho okwakuqala lokhu ukuthi kwenzakale, bake bakuzama njalo ngeCongress edluleyo. Ngabantu abafisa ukuthi inhlanganiso ife ingabi lamandla, kodwa okwamanje angeke ngakhuluma kakhulu ngoba incwadi yabo angikayiboni."