WASHINGTON DC —
Kubikwa sekuqhamuke ukungezwani kwabasekeli bebandla leZanu PF esigabeni seMasvingo osekubangele ukuthi lelibandla lithumele iqula elikhokhelwa nguMnu. Simon Khaya Moyo, umgcinisihlalo walelibandla.
Ukudonselana kwamaxuku amabili, elinye elikhokhelwa nguMnu. Emmerson Mnangagwa lelinye elikhokhelwa nguNkosikazi Joyce Mujuru kubikwa sekufike kuzinga elesabekayo. Kumaviki amabili adluleyo lokhu kudonselana kubikwa bekusesigabeni seManicaland lapho okuye khona uMoyo ukuyalamula.
Isikhulumeli seZanu PF, uMnu. Rugare Gumbo utshele iStudio 7 ukuthi ngempela kulequla elizakuya eMasvingo, kodwa uphange wathi ludubo lomdeni olungatsho lutho oluzaqedwa phambilini kokhetho.
Ukungezwani lokhu sekubangele ukuthi ibandla leZanu PF lehluleke ukwethula iziqondiso ezizalandelwa ngamalunga afuna ukuncintisa kukhetho, lwama primary elections.
Kuthi kucele leMDC elikhokhelwa nguMnu. Morgan Tsvangirai lakho kubikwa kulenkinga esezivimbe ukhetho lwama primaries kulelobandla. UChris Gande weStudio 7 uxoxe lomsekeli wesikhulumeli sebandla leli, uMnu. Joel Gabhuza ngaloludaba.
Ukudonselana kwamaxuku amabili, elinye elikhokhelwa nguMnu. Emmerson Mnangagwa lelinye elikhokhelwa nguNkosikazi Joyce Mujuru kubikwa sekufike kuzinga elesabekayo. Kumaviki amabili adluleyo lokhu kudonselana kubikwa bekusesigabeni seManicaland lapho okuye khona uMoyo ukuyalamula.
Isikhulumeli seZanu PF, uMnu. Rugare Gumbo utshele iStudio 7 ukuthi ngempela kulequla elizakuya eMasvingo, kodwa uphange wathi ludubo lomdeni olungatsho lutho oluzaqedwa phambilini kokhetho.
Ukungezwani lokhu sekubangele ukuthi ibandla leZanu PF lehluleke ukwethula iziqondiso ezizalandelwa ngamalunga afuna ukuncintisa kukhetho, lwama primary elections.
Kuthi kucele leMDC elikhokhelwa nguMnu. Morgan Tsvangirai lakho kubikwa kulenkinga esezivimbe ukhetho lwama primaries kulelobandla. UChris Gande weStudio 7 uxoxe lomsekeli wesikhulumeli sebandla leli, uMnu. Joel Gabhuza ngaloludaba.
