Uzulu eMelika ngoMvulo unanza usuku lwePresident’s Day, olunanzwa ngoMvulo wesithathu kuNhlolanja.
Usuku lolu lwaqala ukuthakazelelwa kukhunjulwa umongameli wakuqala weMelika, uGeorge Washington, njalo ngomnyaka ka1968 lwaqala ukunanzwa kukhunjulwa njalo owayengumongameli uAbraham Lincoln.
Lwaguqulwa ngokuya kwesikhathi kwaqala ukunanza omongameli bonke beMelika.
Usuku lolu lwaqala ukunanzwa kuthakazelelwa usuku lokuzalwa kukaGeorge Washington mhlaka 22 Nhlolanja.
UWashington wakhokhela eleMelika ngesikhathi kulempi, impi eyathatha iminyaka eyisikhombisa yamisa isikhathi soncindezelo kwabunjwa uhulumende wentando kazulu.
Waphumelela njengomkhokheli webutho njalo indlela asebenza ngayo impi isiphelile yaphendla indlela eyalandelwa ngabakhokheli beleMelika.
Wasebenza gadalala ukuthi umnotho weleMelika uthuthuke njalo waletha ukuhlaliseka lokulandelwa komthetho elizweni elalivela empini.
Ukutshiya kwakhe intambo zombuso ngemva kokukhokhela okwamahlandla amabili ezipha umkhokheli owamlandelayo kwapha umzekeliso omuhle kwabanye abakhokheli abalandelayo.
Ngosuku lolu uzulu eMelika uthakazelela umsebenzi wabomongameli beleMelika abalandela umzekeliso kaWashington.
UMnu. Washington Jamela, olandela ezombusazwe weMelika njalo eyisizalwane seZimbabwe esesihlala eChicago uchaza ngokugcweleyo imbali yalolusuku.
Forum