HARARE —
Ingcwethi kwezomnotho zikhuthaza uhulumende ukuba avume ukuba lelilizwe ngelinye lamazwe alobuyanga obedlulise amalawulo ukuze lanelise ukuphatheka kwezokuthengiselana ngaphansi kohlelo lwe “Everything But Arms”-EBA, oluvumela lamazwe ukuba athengise impahla yawo emazweni womanyano weEuropean Union, engahlawuliswa imithelo. Kodwa uzulu akavumelani lalokhu ethi eleZimbabwe yilizwe elilomnotho ongavuselelwa nxa uhulumende ezimisele.
Lokhu kuvezwe ngenye yalezingcwethi kwezomnotho kunxoxo lentathelizindaba amahofisini ayo ngoLwesihlanu, umnumzana Prosper Chitambara osebenzelana njalo labenhlanganiso ye Labor and Economic Development Research Institute of Zimbabwe – LEDRIZ ngamafitshane.
U Chitambara wengeze ethi lanxa kusobala ukuba eleZimbabwe selikulolu luhlu ngenxa yesimo salo kwezomnotho,
inkokheli kuhulumende lokhe ziqinisa amakhanda zingafuni ukwamukela leliqiniso lokuba ilizwe likuluhlu lwamazwe asesalele muva kundaba zentuthuko.
EleZimbabwe lilakho ukuphathiseka kakhulu, kundaba zokuthengiselana lamazwe akumanyano we EU, lingavuma ukuba lingelinye lamazwe asasalele muva kundaba zentuthuko kubika u Chitambara.
Kodwa uzulu e Harare, ulemibono ehlukile kweka Chitambara lezinye ingcwethi kwezomnotho.
Umnumzana Jabulani Dube uthi le kuyimibono yalezo ngcwethi ethi uhulumende angaqoqeka, umumo ulakho ukuguquka,ubuyele esimeni abelikiso ngaphambilini eleZimbabwe.
Lalobo buyanga obubabazwa ngabezombusazwe bungesi beqiniso, kuyikwehluleka kukahulumende ukuzihlela kuhle inhlelo zakhe zomnotho kuveza u Dube.
Loluhlelo lwe Everything But Arms, oluqondiswe emazweni alokhe esasalele muva kundaba zentuthuko –Least Developed Countries, lubikwa lusungulwe ngabenhlanganiso ye EU ngomnyaka ka 2001 ngenjongo yokuphathisa lawo mazwe akulolu hlangothi,ukuze anelise ukuthengisa yiloba yiphi impahla yawo, ngaphandle kwezikhali lokunye okuyingozi empilweni yabantu, emazweni akumanyano we EU kungekho mali yomthelo abayihlawuliswayo.
Afika phose amatshumi amahlanu- 49, amazwe akulesisigaba abikwa enelise ukusizakala phansi kwaloluhlelo ngomnyaka ka 2011, lapho athengisele amazwe akumanyano we EU lo, impahla ebiza izigidi ezedlula ezilitshumi zamaEuro-10.5 billion Earos , okuyisilinganiso sokulitshumi lambili ekhulwini ( 12% ) ngaphansi kwalolohlelo.
Lokhu kuvezwe ngenye yalezingcwethi kwezomnotho kunxoxo lentathelizindaba amahofisini ayo ngoLwesihlanu, umnumzana Prosper Chitambara osebenzelana njalo labenhlanganiso ye Labor and Economic Development Research Institute of Zimbabwe – LEDRIZ ngamafitshane.
U Chitambara wengeze ethi lanxa kusobala ukuba eleZimbabwe selikulolu luhlu ngenxa yesimo salo kwezomnotho,
inkokheli kuhulumende lokhe ziqinisa amakhanda zingafuni ukwamukela leliqiniso lokuba ilizwe likuluhlu lwamazwe asesalele muva kundaba zentuthuko.
EleZimbabwe lilakho ukuphathiseka kakhulu, kundaba zokuthengiselana lamazwe akumanyano we EU, lingavuma ukuba lingelinye lamazwe asasalele muva kundaba zentuthuko kubika u Chitambara.
Kodwa uzulu e Harare, ulemibono ehlukile kweka Chitambara lezinye ingcwethi kwezomnotho.
Umnumzana Jabulani Dube uthi le kuyimibono yalezo ngcwethi ethi uhulumende angaqoqeka, umumo ulakho ukuguquka,ubuyele esimeni abelikiso ngaphambilini eleZimbabwe.
Lalobo buyanga obubabazwa ngabezombusazwe bungesi beqiniso, kuyikwehluleka kukahulumende ukuzihlela kuhle inhlelo zakhe zomnotho kuveza u Dube.
Loluhlelo lwe Everything But Arms, oluqondiswe emazweni alokhe esasalele muva kundaba zentuthuko –Least Developed Countries, lubikwa lusungulwe ngabenhlanganiso ye EU ngomnyaka ka 2001 ngenjongo yokuphathisa lawo mazwe akulolu hlangothi,ukuze anelise ukuthengisa yiloba yiphi impahla yawo, ngaphandle kwezikhali lokunye okuyingozi empilweni yabantu, emazweni akumanyano we EU kungekho mali yomthelo abayihlawuliswayo.
Afika phose amatshumi amahlanu- 49, amazwe akulesisigaba abikwa enelise ukusizakala phansi kwaloluhlelo ngomnyaka ka 2011, lapho athengisele amazwe akumanyano we EU lo, impahla ebiza izigidi ezedlula ezilitshumi zamaEuro-10.5 billion Earos , okuyisilinganiso sokulitshumi lambili ekhulwini ( 12% ) ngaphansi kwalolohlelo.