Inhlanganiso ezizimeleyo ngoLwesihlanu zinanze ilanga lokusekela abantu abahlukuluziweyo emhlabeni jikelele eleInternational Day in Support of Victims of Torture ngokukhuthaza uhulumende ukuthi ahlawule abantu abahlukuluzwayo ngezombusazwe eZimbabwe.
Linkuthazo ivele kunhlanganiso yeHeal Zimbabwe lakuhlanganiso yabasakhulayo iZimbabwe Organization for Youth in Politics yona eqhube umkhosi wokunanza lelilanga eKwekwe lapho abantu abahlukuluzwa kukhetho luka2008 abakhulume khona ngokubehlelayo.
Inhlanganiso lezi zithi uhulumende kumele asungule ikomoshini ekhangelane lendaba zokuhlukuluzwa kwabantu.
Umkhokheli weMDC-T uMnu Morgan Tsvangirai laye uhlangane labasekeli bebandla lakhe abahlukuluzwa yiZanu PF kukhetho luka2008 eChiweshe, Mashonaland Central.
Ilanga leInternational Day in Support of Victims of Torture lasungulwa ngumanyano weUnited Nations njalo linanzwa minyaka yonke mhlaka 26 kulinyanga.
Isiphathamandla seZimbabwe Organization for Youth in Politics uMnu Tatenda Mhlolo utshele iStudio 7 ukuthi abantu abahlukuluzwayo kumele bahlawulwe.
