Kwezempilakahle sixoxa ngomkhuhlane wokukhukhumala umzimba owe-kwashiorkor, obamba abantwana abaleminyaka emihlanu kusiya phansi.
Umkhuhlane lo ubangwa yikuswelakala kokudla okukhulisa umzimba. Kubikwa ukuba kulabantwana eZimbabwe asebelezibonakaliso zesifo lesi ngesikhathi ilizwe libhekane lendlala eyesabekayo ebangelwe yisikhudumezi somkhathi eseEl Nino.
Iziphathamandla zikahulumende zalile ukukhuluma ngodaba lolu loba zivuma ukuthi kulabantwana abanengi kakhulu eZimbabwe ababhekane lendlala.
Ukuze sihlaziye udaba lolu, sixoxe loSikhwicamfundo Solwayo Ngwenya, osebenza esibhedlela seMpilo General Hospital, othi kumele abazali banakekele abantwana ngokubanika ukudla okwakha umzimba hatshi ilambazi kuphela.
UNgwenya uthi kuqakathekile ukuba kuphekwe ngamahwahwa uma kungela mafutha okupheka isitshebo.
Uthi obaba kumele bengathathi imali yokudla bayethenga ngayo utshwala abantwana belamba.
Forum