Kulabancoma ukukhethwa kuka Nqobile Magwizi ukuba ngumkhokheli weZifa labanye abathi sokungene ezombusazwe.
Abasekela uMagwizi bathi wadlala indima enkulu ekuncedeni amaqembu enguqu agoqele eleHighlanders leDynamos ekudingeni imali lokunye. Kodwa banengi abasola ukukhethwa kwakhe.
Omunye wabancoma uMagwizi ongusomabhizimusi nguThandazani Zimbwa ingcwethi kwezemidlalo ezimeleyo.
Kodwa uDecent Collins Bajila okudala lephalamende uthi uzatshabalala umdlalo wenguqu ngoba sokungene ezikhundleni abadlelana lebandla elibusayo.
UMagwizi, owake wafakelwa izijeziso zenotho ngeleMelika ngenxa yokudlelana kwakhe loKudakwashe Tagwirei umqondisi wamankampani amanengi okuthiwa asetshenziswa ukwenza ubukhohlakalo, unqobe abane abancintise kukhetho lukamongameli ngoMgqibelo.
Umsekeli kaMagwizi nguKennedy Ndebele owayekhokhela inhlanganiso yePremier Soccer League.
Forum