Owayemmela iZengeza West edale lephalamende, uMnu Job Sikhala, namuhla uphunyuke ukuyahlala ejele okwesikhathi eside ngemva kokuba umantshi ebeke eceleni isigwebo sokuba ayephika okwenyanga phose ezilitshumi - 9 months.
Phezu kokubekwa eceleni kwaleso sikhathi sokuya entilongweni, uSikhala uphinde wahlawuliswa amadola eMelika angamakhulu amahlanu - $US500.
Amagqwetha labalwela ilungelo loluntu bathi isigwebo esethulelwe uSikhala asibangamalisi. UMantshi Feresi Chakanyuka akazange azihluphe ukulandela inkuthazo eyenziwe ngama gqwetha kaSikhala ukuba athole amacebo edale laphezulu eleHigh Court andubana ethule isinqumo sakhe.
Igqwetha lika Sikhala uMnu. Harrison Nkomo uthi uMatshi uFeresi Chakanyuka kakhulumanga lutho ngomthetho obizwa ngokuthi nguSection 31 of the Criminal Law (Codification and Reform) Act, owesulwa engwalweni zemithetho kulandela ukukhonona okwenziwa ngababesebenzela iphepandaba leZimbabwe Independent - uConstantine Chimakure loVincent Kahiya, okwenza ukuba idale leHigh Court lithi umthettho lo kawulahlwe.
Kulabanye njalo abagoqela intathelizindaba uMnu. Hopewell Chin’ono abake betheswa amacala afanayo. Kodwa igqwetha elikhulu likahulumende uJustice Uladi uthi konke umthetho lo waguqulwa ngakho-ke kulungile okwenziwe lidale likamantshi. UNkomo uyakwala lokhu.
Ingcwethi kwezomthetho oligqwetha, uMnu Sanele Ncube uthe kuyadanisa ukuba uMantshi kazange azihluphe ngokukhangela inkuthazo yama gqwetha.
Kodwa elinye igqwetha uMnu Sindiso Mthethwa uthi uMantshi ulandele umthetho.
Inengi elisekela umsebenzi owenziwa nguSikhala lithi kuyadanisa ukuba uSikhala utholakale elecala. UMnu Comfort Ncekuyenkosi Mpofu ngomunye wabo.
Ilunga le ZANU PF Central Committee uMnu. Mabutho Moyo uthi udaba luka Sikhala alulani lebandla lakhe.
Lokhu kusekelwa nguMnu. Ziyambi Ziyambi umphathintambo wezemithetho kuhulumende weZimbabwe.
Forum