WASHINGTON DC —
Umphathintambo obona ngezamafekithali uMnu Mike Bimha uthi ukuze umnotho uvuselelwe, kudingakala imali engange $10 billion.
UBimha uveze lokhu emhlanganweni oqoqwe yinhlanganiso yeConfederation of Zimbabwe Industries (CZI) koBulawayo ngoLwesithathu ngenjongo yokudinga amacebo okuvuselela amankampani kulelidolobho kanye lelizweni lonke jikelele.
UMnu Bimha uthi njalo eleZimbabwe kumele lisebenze ndawonye lenhlanganiso ezipha uncedo lwemali ezigoqela iWorld Bank leIMF ukuze lithole uncedo lokuvuselela umnotho kulezinhlanganiso.
Ekhuluma emhlanganweni munye umkhokheli weCZI uMnu Charles Msipa uthe wonke amankampani avaliweyo eminyakeni edluleyo koBulawayo phezu kokudilika komnotho, kumele avulwe uhulumende ancedise njalo kulokhu.
Uthe kulihlazo ukuthi kuminyaka esanda kwedlula eleZimbabwe belilamankampani ayeqinile afana leCold Storage Commission yona eyayithengisela amanye amazwe inyama ikakhulu akunhlanganiso yeEuropean Union.
UMayor wakoBulawayo uMnu Martin Moyo laye ukhulumile emhlanganweni lo wakhuthaze amankampani ukuthi engaze abalekela lelidolobho esithi lanxa kulodubo lokusilela kwamanzi, umanisipala kavaleli amankampani amanzi njengezakhamizi.
Umhlangano lo ugqitshwa ngoLwesihlanu osomabhizimusi lengcwethi kwezenotho benikana amaqhinga okuhlenga amankampani kanye lomnotho welizwe.
Ingcwethi kwezombusazwe njalo engumqondisi weHabakkuk Trust uMnu Dumisani Nkomo utshele iStudio 7 ukuthi uzulu wakoBulawayo ukhangelele ukuthi amankampani avulwe kulelidolobho kubelemisebenzi njengayizolo.
UBimha uveze lokhu emhlanganweni oqoqwe yinhlanganiso yeConfederation of Zimbabwe Industries (CZI) koBulawayo ngoLwesithathu ngenjongo yokudinga amacebo okuvuselela amankampani kulelidolobho kanye lelizweni lonke jikelele.
UMnu Bimha uthi njalo eleZimbabwe kumele lisebenze ndawonye lenhlanganiso ezipha uncedo lwemali ezigoqela iWorld Bank leIMF ukuze lithole uncedo lokuvuselela umnotho kulezinhlanganiso.
Ekhuluma emhlanganweni munye umkhokheli weCZI uMnu Charles Msipa uthe wonke amankampani avaliweyo eminyakeni edluleyo koBulawayo phezu kokudilika komnotho, kumele avulwe uhulumende ancedise njalo kulokhu.
Uthe kulihlazo ukuthi kuminyaka esanda kwedlula eleZimbabwe belilamankampani ayeqinile afana leCold Storage Commission yona eyayithengisela amanye amazwe inyama ikakhulu akunhlanganiso yeEuropean Union.
UMayor wakoBulawayo uMnu Martin Moyo laye ukhulumile emhlanganweni lo wakhuthaze amankampani ukuthi engaze abalekela lelidolobho esithi lanxa kulodubo lokusilela kwamanzi, umanisipala kavaleli amankampani amanzi njengezakhamizi.
Umhlangano lo ugqitshwa ngoLwesihlanu osomabhizimusi lengcwethi kwezenotho benikana amaqhinga okuhlenga amankampani kanye lomnotho welizwe.
Ingcwethi kwezombusazwe njalo engumqondisi weHabakkuk Trust uMnu Dumisani Nkomo utshele iStudio 7 ukuthi uzulu wakoBulawayo ukhangelele ukuthi amankampani avulwe kulelidolobho kubelemisebenzi njengayizolo.