Umdlali wemidlalo yokulingisa eyama drama lemifanekiso kamabonakude olodumo uPretty Xaba obanjwe umkhuhlane wemvukuzane yempinjeni ukhuthaza uhulumende ukuthi aqakathekise umsebenzi wabadlali bokulingisa labaculi ukuze bengacini bephila impilo yobuyanga obesabekayo lapho sebegula kumbe begesenelisi ukusebenza.
UPretty uthi ekusebenzeni kwakhe akazange ahlawulwe okuhambelana lokusebenza kwakhe okwamenza waba lodumo ikakhulu emdlalweni wokulingisa kumabonakude owe Studio 263.
UMaXaba uthi uyabonga kakhulu abangane bakhe lasebenze labo, abaculi labanye abamanyane ukuqoqa umdlalo wokubuthanisa imali yokuthi ayekwelatshwa lokuhlinzwa kwele India, oqhutshwe eHarare ngoLwesibili, eBook Cafe.
Kudingakala inkulungwane ezilitshumi zokuthi ahlinzwe kuzoba leinye imali yokuthi agade indizimatshina ukuya kwelaMandiya ukuyahlinzwa ngoba lapho okumele ahlinzwe khona empinjeni kuduzane lenhliziyo kakhulu odokothela beZimbabwe besesabela inhliziyo yakhe.
IStudio 7 ixoxe loPretty ngokumehleleyo kanye lomdlalo wangoLwesibili wokubuthanisa imali yokuthi aye kwelatshwa.
