WASHINGTON DC —
Ikomishini ebona ngezokhetho isibumbe ikomidi ezaphatha umsebenzi wokwamukela amaphepha alabo abafun’kuzebona ngokuqhutshwa kokhetho oluzayo.
IZimbabwe Electoral Commission (ZEC) yazise ngoMvulo ukuthi ikomidi le, ebizwa ngokuthi yiObserver Accreditation Committee, izakhokhelwa ngumgcinisihlalo weZEC uNkosikazi Rita Makarau.
Amanye amalunga ayo ngathi umsekeli kaMakarau uNkosikazi Joyce Kazembe, uGeoff Felton, uBessie Nhandara uMnu Daniel Chagaru loMnu Joseph Jambo osebenzela ehofisini kaMongameli Mugabe.
Abanye ngabathi uMnu Maxwell Ranga okugatsha lwezemithetho, uMnu Chrispen Mavodza okugatsha olubona ngobudlelwano belizwe lamanye amazwe, loMnu Stephen Phineas osebenzela kugatsha lwendaba zaphakathi kwelizwe.
IZEC ithi abafun’kubona ngokuqhutshwa kokhetho beyizizalwane zeZimbabwe kuzamele babhadale amadollar alitshumi, $10, kuthi abavela emazweni eAfrica bazahlawuliswa amadollar angamatshumi amabili, $20.
Iziphathamandla zamazwe alezigodlo eZimbabwe zona zizahlawuliswa amadollar angamatshumi amahlanu, $50, kuthi abavela kwamanye amazwe bahlawuliswe amadollar alikhulu, $100.
Intathelizindaba ezisebenzela amaphephandaba eZimbabwe zizahlawuliswa amadollar alitshumi, $10, kuthi ezisebenzela amaphepha lemisakazo yakwamanye amazwe zizahlawuliswa amadollar angamatshumi amahlanu, $50.
Kunjalo nje ummeli weBulilima West edale lephalamende, elilunga leMDC ekhokhelwa nguMnu Welshman Ncube, uMnu Moses Mzila Ndlovu uthi sokuqhamuke ukwethuselwa kwabantu esigabeni sakhe.
UMzila uthi abasekeli beZanu PF bethusela abantu besithi abazavotela iMDC bazajeziswa kabuhlungu. Kodwa uMzila ukhuthaza uzulu ukuthi engesabi.
"Abantu kumele bayebhalisela ukuvota, bengaze besaba ukwethuselwa okwenziwa ngabasekeli beZanu PF," kutsho uMnu Mzila.
IZimbabwe Electoral Commission (ZEC) yazise ngoMvulo ukuthi ikomidi le, ebizwa ngokuthi yiObserver Accreditation Committee, izakhokhelwa ngumgcinisihlalo weZEC uNkosikazi Rita Makarau.
Amanye amalunga ayo ngathi umsekeli kaMakarau uNkosikazi Joyce Kazembe, uGeoff Felton, uBessie Nhandara uMnu Daniel Chagaru loMnu Joseph Jambo osebenzela ehofisini kaMongameli Mugabe.
Abanye ngabathi uMnu Maxwell Ranga okugatsha lwezemithetho, uMnu Chrispen Mavodza okugatsha olubona ngobudlelwano belizwe lamanye amazwe, loMnu Stephen Phineas osebenzela kugatsha lwendaba zaphakathi kwelizwe.
IZEC ithi abafun’kubona ngokuqhutshwa kokhetho beyizizalwane zeZimbabwe kuzamele babhadale amadollar alitshumi, $10, kuthi abavela emazweni eAfrica bazahlawuliswa amadollar angamatshumi amabili, $20.
Iziphathamandla zamazwe alezigodlo eZimbabwe zona zizahlawuliswa amadollar angamatshumi amahlanu, $50, kuthi abavela kwamanye amazwe bahlawuliswe amadollar alikhulu, $100.
Intathelizindaba ezisebenzela amaphephandaba eZimbabwe zizahlawuliswa amadollar alitshumi, $10, kuthi ezisebenzela amaphepha lemisakazo yakwamanye amazwe zizahlawuliswa amadollar angamatshumi amahlanu, $50.
Kunjalo nje ummeli weBulilima West edale lephalamende, elilunga leMDC ekhokhelwa nguMnu Welshman Ncube, uMnu Moses Mzila Ndlovu uthi sokuqhamuke ukwethuselwa kwabantu esigabeni sakhe.
UMzila uthi abasekeli beZanu PF bethusela abantu besithi abazavotela iMDC bazajeziswa kabuhlungu. Kodwa uMzila ukhuthaza uzulu ukuthi engesabi.
"Abantu kumele bayebhalisela ukuvota, bengaze besaba ukwethuselwa okwenziwa ngabasekeli beZanu PF," kutsho uMnu Mzila.