WASHINGTON DC —
Kule lunga leMDC-T elibotshwe ngoLwesine lisetheswa umlandu wokuzama ukutshisa isigodlo saleli bandla eseHarvest House eHarare ngenyanga edluleyo.
Amapholisa abophe uMnu. Leornard Dendera obikwa ekucele lalelibandla elisekela umbono wokuthi umkhokheli walo uMnu. Morgan Tsvangirai kumele atshiye isikhundla esetheswa umlandu wokuzama ukutshisa iHarvest House.
Isikhulumeli samapholisa Assistant Commissioner Charity Charamba uthi uDendera uthethwe ukuthi ayebuzisiswa kulandela ukumangalelwa kwakhe ngbohlangothi lwezomvikela esigodlweni sabe MDC-T ngoba ebonakale efuna ukusitshisa ngebhomba lephetulu ngenyanga edluleyo.
UDendera ubikwa nguye owaqala ukuyamangalela isikhulumeli seMDCT uDouglas Mwonzora ukuthi umtshayile kodwa yena uMwonzora wabuzisiswa ngamapholisa eMasvingo bamthola emsulwa. Ekubizisiseni amanye amalunga ezomvikela kuleli bandla kulapho okuvele igama likaDendera ukuthi bambona efuna ukutshisa isigodlo sabo basebemxotsha yena wahle wagijimela emapholiseni ukuthi utshayiwe eqamba amanga.
UCharamba uthi amapholisa asaqhubeka ngokuhluzisisa lolu daba ngakhoke angeke atsho ukuba uzamiswa nini uDendera phambi komthethwandaba.
Ukufuthelana phakathi kweMDC-T lokhe kuqhubekela phambili ngemva kwenkuthazo kwezinye iziphathamandla zaleli bandla ziqalisileyo ukuthi sokumele kuguqulwe inkokheli kaTsvangirai kodwa ngakwelinye icele abamsekelayo besithi ukhutshwa kuleso sikhundla ngumhlangano omkhulu owecongress.
Kunjalo ugatsha lwabantsha kuMDC-T lubikwa luvuselele inkuthazo yokuthi uzulu weZimbabwe kumele asukume ngobunengi atshengisele ezitaladeni esola uhulumende ngoba ehlulekile ukugcwalisa izithembiso azenza ngesikhathi edinga usekelo lokuthi anqobe kukhetho.
Unobhala obona ngokwethulwa kwembiko kugatsha lwabantsha umnumzana Clifford Hlatswayo uthi ibandla lakhe likhathazekile ngokuthi inengi labantu beZimbabwe kabala misebenzi baphila ngokuthengithengisa. Uthi bona njengabatsha bakhathazekile ngokuthi uhulumende usezehluleka lokutholisa abantwana imfundo phansi kweziqondiso zesisekelo sombuso esitsha ngaleyo ndlela esephula ilungelo labantwana.
IStudio 7 yehlulekile ukuzwa icele lompathintambo wezemfundo yePrimary leSecondary umnumzana Lazarus Dokora ngalolu daba .
Kule lunga leMDC-T elibotshwe ngoLwesine lisetheswa umlandu wokuzama ukutshisa isigodlo saleli bandla eseHarvest House eHarare ngenyanga edluleyo.
Amapholisa abophe uMnu. Leornard Dendera obikwa ekucele lalelibandla elisekela umbono wokuthi umkhokheli walo uMnu. Morgan Tsvangirai kumele atshiye isikhundla esetheswa umlandu wokuzama ukutshisa iHarvest House.
Isikhulumeli samapholisa Assistant Commissioner Charity Charamba uthi uDendera uthethwe ukuthi ayebuzisiswa kulandela ukumangalelwa kwakhe ngbohlangothi lwezomvikela esigodlweni sabe MDC-T ngoba ebonakale efuna ukusitshisa ngebhomba lephetulu ngenyanga edluleyo.
UDendera ubikwa nguye owaqala ukuyamangalela isikhulumeli seMDCT uDouglas Mwonzora ukuthi umtshayile kodwa yena uMwonzora wabuzisiswa ngamapholisa eMasvingo bamthola emsulwa. Ekubizisiseni amanye amalunga ezomvikela kuleli bandla kulapho okuvele igama likaDendera ukuthi bambona efuna ukutshisa isigodlo sabo basebemxotsha yena wahle wagijimela emapholiseni ukuthi utshayiwe eqamba amanga.
UCharamba uthi amapholisa asaqhubeka ngokuhluzisisa lolu daba ngakhoke angeke atsho ukuba uzamiswa nini uDendera phambi komthethwandaba.
Ukufuthelana phakathi kweMDC-T lokhe kuqhubekela phambili ngemva kwenkuthazo kwezinye iziphathamandla zaleli bandla ziqalisileyo ukuthi sokumele kuguqulwe inkokheli kaTsvangirai kodwa ngakwelinye icele abamsekelayo besithi ukhutshwa kuleso sikhundla ngumhlangano omkhulu owecongress.
Kunjalo ugatsha lwabantsha kuMDC-T lubikwa luvuselele inkuthazo yokuthi uzulu weZimbabwe kumele asukume ngobunengi atshengisele ezitaladeni esola uhulumende ngoba ehlulekile ukugcwalisa izithembiso azenza ngesikhathi edinga usekelo lokuthi anqobe kukhetho.
Unobhala obona ngokwethulwa kwembiko kugatsha lwabantsha umnumzana Clifford Hlatswayo uthi ibandla lakhe likhathazekile ngokuthi inengi labantu beZimbabwe kabala misebenzi baphila ngokuthengithengisa. Uthi bona njengabatsha bakhathazekile ngokuthi uhulumende usezehluleka lokutholisa abantwana imfundo phansi kweziqondiso zesisekelo sombuso esitsha ngaleyo ndlela esephula ilungelo labantwana.
IStudio 7 yehlulekile ukuzwa icele lompathintambo wezemfundo yePrimary leSecondary umnumzana Lazarus Dokora ngalolu daba .