Kubotshwa Isiphathamandla seMDC-T ETsholotsho

WASHINGTON DC —  Icele le MDC elikhokhelwa nguMnu. Morgan Tsvangirai lithi umgcinisihlalo walo wogatsha lwabatsha eMatabeleland North, uMnu. Frederick Ngwenya ubotshiwe ngolweSibili ntambama eTsholotsho ngemva kokusola usobhuku wesigabeni se Dibutibu esithi uyala ukudinda amaphepha entsha yebandla lakhe ukuze iye bhalisela ukuvota kukhetho oluzayo.

IStudio 7 ayenelisanga ukukhuluma lamagqwetha kaNgwenya ukuzwa ukuthi icala aletheswayo ngelani.

UMnu. Sengezo Tshabangu, umgcinisihlalo walelibandla eMatabeleland North utshele uSithandekile Mhlanga weStudio 7 ukuthi uNgwenya ukhangelelwe ukumiswa phambi komthethwandaba ka mantshi eTsholotsho ngoLwesine.