Ngelanga lika mhlaka 25 Nkwenkwezi, izwekazi le Africa linanza ilanga lokubunjwa komanyano we African Union, owawubizwa ngokuthi Organization of African Unity-OAU, inhlanganiso ye Afro Barometer yethule impumela yocwaningo olutshengisa ukuthi inengi lezwekazi labesndunu lifuna omongameli bengabusi okwamahlandla amabili aweminyaka emihlanu.
Linhlanganiso ithi inengi lenkokheli yezwekazi le Africa yenza okungafunwa nguzulu ngokwalela esihlalweni.
Lolucwaningo olwethulwa ngemva kokuxoxisana labantu abedlula inkulungwane ezingamatshumi amahlanu- 50,000, emazweni angamatshumi amathathu lane, izizalwane zalamazwe zithi kazifuni umongameli adlulise amahlandla amabili.
Kodwa okumangalise abaqhube lolu cwaningo, eze Algeria yizo kuphela ezithi umongameli engabusa aze akhokhobe nxa uzulu eyabe elokhu emfuna.
Ukuhlaziya loludaba uChris Gande weStudio Seven uxoxe loMnu. Sabelo Sibindi, okhuthaza ukulwelwa kwelungelo labantu basezwekazi le Africa, uthi kulutshwana okungathakazelelwa yizwekazi le Africa ngalesi sikhathi khona kulezimpi lokuxabana.