Liviki kuhlelo Liphuma Lendaba Litshone Lendaba sixoxa loMnumzana Dinizulu Macaphulana, ingcwethi kwezombusazwe sihlaziya imbono kamsekeli kamongameli, uMnu. Phelekezela Mphoko abanye asebesithi ulakho ukubusa ilizwe njalo ulesigaba seMatabeleland enhliziyweni yakhe.
Ngeviki edluleyo uMpoko uthe abantu bengabocabanga ukuthi inkokheli yelizwe imele idabuke kwezinye izigaba zelizwe hatshi ese Matabeleland.
"Inkokheli kumele ivele yingqe isigaba selizwe nxa umuntu efunwa ngabantu kumele akhethwe kungakhathalekile ukuthi udabaka ngaphi," kutsho uMphoko.
Useke watshela ilizwe uMphoko ukuthi abantu be Matabeleland kumele basukumele phezulu kwezamabhizimusi hatshi ukuhlala besalela emuva. Usekhulume kwabambalwa okutshengisa ukungesabi lokuba lothando lesigaba seMatabeleland.
UMacaphulana uthi okungabe kusenzakala yikuthi uMphoko usebona kuhle ukuthi ilizwe libuswa njani lokuthi isigaba seMatabeleland sikhangelwa njani ngenye inkokheli.
Ephendula umbuzo wokuthi kanti kungani kuqala uMphoko wayesithi umbuqazwe we Gukurahundi kayisiwo mlandu kahulumende kodwa ongowamanye amazwe uMacaphulana uthi: "Usencwetshiwe yikho esekhuluma kanje. Usebona ukuthi kuhamba njani."
