Selokhu ilizwe lathola uzibuse ngomnyaka ka 1980 uMongameli Robert Mugabe wethule umbiko ongaba yiwo omfitshane kakhulu lapho kungcwatshwa khona uMu. Sikhanyiso Ndlovu. Lumbiko ubuyimizuzo elitshumi lahlanu kuphela.
Esikhatheni esedluleyo imbiko yakhe lapho kungcwatshwa khona iqhawe iyake yedlule ihola elilodwa lemizuzo. Imfanekiso ephume emngcwabeni kaNdlovu itshengise uMugabe elame umkake ehamba emadolonzima.
Loku kuhlangene lokubala umbiko owake wawuthula edale lephalamende sekutshiye inengi lithandabuza impilakahle yakhe lokuthi usekhokhobile.
Ibandla le MDC-T lethule umbiko othi sekumele uMugabe ayephumula atshiyele intambo abasesenelisa lanxa ibandla le Zanu PF lilandula lokhu lisithi uMugabe nguye ozamela ibandla le Zanu PF ngomnyaka ka 2018.
Sixoxe lowake wasebenza kuhulumende, uMnu. Isaac Mpofu oseleminyaka engamatshumi ayithoba minwe mibili lanhlanu, 85 yena othi uMongameli Mugabe usekhule kakhulu okokuthi ngabe uyaphumula.
