Minyaka yonke ngalesi sikhathi sokuzayiwa kukhetho kuvame ukuba lodlakela lwezombusazwe, abantu betshaywa abaney betshiselwa imizi.
Kodwa lo umnyaka kukhanya kulokuthula udlakela luqhamuka lapha laphayana gqo-gqo kungafani leminye iminyaka.
Kambe kungaba kubangelwa yikuziphatha kukazulu kumbe uMongameli Mnangagwa ulethe ukuthula lokhu?
Ukuhlaziya loludaba sixoxe lengcwethi ecubungula ezombusazwe, uMnu. Max Mkandla endawonye lesikhulumeli sebandla le People’s Democratic Party ekhokhelwa nguNkosikazi Lucia Matibenga, uMnu. George Mkhwananzi, onguye osungula lingxoxo.
“Uyabona ukuqila lokuqilibezelwa abantu bacabanga ukuthi kwenzkala ngensuku zonezo ezimbili kumbe ezintathu kubalwa. Ubuqili benziwa kusalesikhathi angithi kunje asikwazi lokuthi udinda ama ballot paper ngubani,” kutsho uMkhwananzi.
Uthi into enjengalokho imele ibe mgceke. Uthi akutsho lutho ukuthi abazohlola ukhetho bazakuthini.
“Ubudlwangudlwangu abubonkali kodwa bukhona benzakalansitha kathesi angithi uWebster Shamu uxotshiwe kathesi uxotshelwe khonalakho,” kutsho uMkandla.
