Esinye njalo isiphathamandla sebandla le Zanu PF sesitshengise ukuthi ibandla leli kalisoze liqhubeze umbuso kumabandla aphikisayo lanxa linqotshiwe kukhetho oluzayo.
NgoLwesibili umsekele kamphathimbo wezemali, uMnu. Terence Mukupe, uthe vele ibandla le Zanu PF alisoze liqhubele uMnu. Nelson Chamisa webandla le MDC-T umbuso nxa lingangqotshwa kukhetho.
Kwathi ngoLwesithathu, umphathintambo weMasvingo, uMnu. Josiah Hungwe ,uthe uMongameli Mnangagwa ulibutho okokuthi nxa umuntu ezama ukubaleka lombuso ulakho ukumkhalisela isibhamu.
Konke lokhu kwenzala ngoLwesine umbuso kaMnangagwa wenelise inyanga eziyisithupha.
Ukuhlaziya loludaba sixoxe lengcwethi kwezombusazwe, uMnu. George Mkhwananzi, njalo oyisikhulumeli sebandla le PDP elikhokhelwa nguNkosikazi Lucia Matibenga endawonye lengcwethi ecubungula ezombusazwe, uMnu. Max Mkandla onguye osungula lingxoxo.
