Abalwela ilungelo labaphila legcikwane leHIV bathi basekela imbono kamphathintambo wezempilakahle uDokotela David Parirenyatwa eyokuthi abaphorofita abathi benelisa ukwelapha umkhuhlane weAids kumele babotshwe.
UMnu Parirenyatwa utshele idale leSenate ngoLwesine ukuthi uphatheke kakubi ngabaphorofita abaqambela abantu abaphila legciwane amanga besithi benelisa ukubelapha ngamanzi liphele igciwane.
Uthi lokhu kwenza abantu laba becine besekela ukunatha amaphilisi abo lemithi abayiphiwa ngodokotela abanye becina besifa kungafanelanga.
Ngalokho uParirenyatwa uthe uzakhulumisana lomphathintambo obona ngendaba zasekhaya uMnu Kembo Mohadi ukuze atshele amapholisa abophe abaphorofita abathi benelisa ukwelanga umkhuhlane wengculazi.
Sixhume omunye wabalwela ilungelo labaphila legciwane uMnu Obert Banda yena othi uyayisekela imbono kaParirenyatwa.