UMongameli Jacob Zuma wakwele zansi ye Africa onguye njalo umlamulankunzi kudaba lwe Zimbabwe ufike eZimbabwe ngolweSithathu. UZuma owakhethwa yinhlanganiso yomanyano we SADC uze ukuzohlangana lenkokheli kahulumende womanyano ngaphambilini komhlangano omkhulu weSADC.
UMongameli Zuma ufike egcekeni le ndizamutshina le Harare International Airport wamukelwa yiziphathamandla ezikucele le Zanu PF kuphela kuhulumende womanyano uhle wadluliselwa ngesiphangi phangi engakhulumanga lentathelizindana ehwetheleni ye Rainbow Towers edolobheni le Harare lapho ahle angena khona umhlangano loMongameli Mugabe.
Nomanje inhloko ka hulumende uMnumzana Morgan Tsvangirai ehle waphanga laye walubhekisa kule ihwetela waqansa esiya ku 13th floor laye engakhulumanga lentathelizindaba ezithe gwaqa kulihotela. UZuma ubikwa ezabamba imihlangano lenkokheli zamabandla ezombusazwe akuhulumende womanyano munye ngamunye.
UZuma ubikwa elande ukuzozwisisa ngomumo wezinto elizweni ikakhulu lapho kulungiselelwa ukhetho olumele lwenziwe kulandelwa isisekelo sombuso esitsha esiphakathi kokulotshwa sikhulumanje.
Ibandla le Zanu PF lithi kulenguquko ezithile okumele zenziwe kugwalo lwesisekelo sombuso olwe draft constitution osoluphelile ukulotshwa yikhomisheni ye COPAC.
Ngakwelinye icele amabandla e MDC okumunyethwe yidraft le kwavunyelanwa ngamabandla wonke ngakhoke akusadingakali ukuba kube lokunye ukukhulumisana kodwa ukuba uzulu enikezwe ithuba lokuveza imbono yakhe ku All Stakeholders Conference laku Referendum.
Isikhulumeli se MDC - T uMnumzana Douglas Mwonzora uthi ibandla leZanu PF kuyemukele khonokho okukhona ngoba layo kayilandelanga yonke inguquko eyayimele yenzakale nanku phela lokhe kulodlakela kuleli. Kubika intathelizindaba yethu u Mark Peter Nthambe usethulela loludaba.
UZuma ubikwa ezamele esadalale lalimihlangano aiqede aphinde abuyele eGoli engakadluleli kwele Mozambique ukuyangena umhlangano womanyano wamazwe akulumkhono e SADC lapho akhangelelwe ukwazisa ngokuhamba komsebenzi wokulungisisa inkinga ze Zimbabwe.
UMongameli weSouth Africa ukhangelelwe ukwethulela umhlangano weSADC ngalokho ayabe ekutholile eZimbabwe. Inhlanganiso ezizimeleyo zihle zayathi gwaqa kwele Mozambique phambilini komhlangano weSADC zikhankasela ukuthi ukhetho lungenziwa kungakacandwa umhlahlandlela walo. UChris Gande weStudio 7 uxoxe lesikhulumeli somanyano weCrisis Coalition Zimbabwe, uMnu. Thabani Nyoni esemhlanganweni weMozambique.
UMongameli Zuma ufike egcekeni le ndizamutshina le Harare International Airport wamukelwa yiziphathamandla ezikucele le Zanu PF kuphela kuhulumende womanyano uhle wadluliselwa ngesiphangi phangi engakhulumanga lentathelizindana ehwetheleni ye Rainbow Towers edolobheni le Harare lapho ahle angena khona umhlangano loMongameli Mugabe.
Nomanje inhloko ka hulumende uMnumzana Morgan Tsvangirai ehle waphanga laye walubhekisa kule ihwetela waqansa esiya ku 13th floor laye engakhulumanga lentathelizindaba ezithe gwaqa kulihotela. UZuma ubikwa ezabamba imihlangano lenkokheli zamabandla ezombusazwe akuhulumende womanyano munye ngamunye.
UZuma ubikwa elande ukuzozwisisa ngomumo wezinto elizweni ikakhulu lapho kulungiselelwa ukhetho olumele lwenziwe kulandelwa isisekelo sombuso esitsha esiphakathi kokulotshwa sikhulumanje.
Ibandla le Zanu PF lithi kulenguquko ezithile okumele zenziwe kugwalo lwesisekelo sombuso olwe draft constitution osoluphelile ukulotshwa yikhomisheni ye COPAC.
Ngakwelinye icele amabandla e MDC okumunyethwe yidraft le kwavunyelanwa ngamabandla wonke ngakhoke akusadingakali ukuba kube lokunye ukukhulumisana kodwa ukuba uzulu enikezwe ithuba lokuveza imbono yakhe ku All Stakeholders Conference laku Referendum.
Isikhulumeli se MDC - T uMnumzana Douglas Mwonzora uthi ibandla leZanu PF kuyemukele khonokho okukhona ngoba layo kayilandelanga yonke inguquko eyayimele yenzakale nanku phela lokhe kulodlakela kuleli. Kubika intathelizindaba yethu u Mark Peter Nthambe usethulela loludaba.
UZuma ubikwa ezamele esadalale lalimihlangano aiqede aphinde abuyele eGoli engakadluleli kwele Mozambique ukuyangena umhlangano womanyano wamazwe akulumkhono e SADC lapho akhangelelwe ukwazisa ngokuhamba komsebenzi wokulungisisa inkinga ze Zimbabwe.
UMongameli weSouth Africa ukhangelelwe ukwethulela umhlangano weSADC ngalokho ayabe ekutholile eZimbabwe. Inhlanganiso ezizimeleyo zihle zayathi gwaqa kwele Mozambique phambilini komhlangano weSADC zikhankasela ukuthi ukhetho lungenziwa kungakacandwa umhlahlandlela walo. UChris Gande weStudio 7 uxoxe lesikhulumeli somanyano weCrisis Coalition Zimbabwe, uMnu. Thabani Nyoni esemhlanganweni weMozambique.