JOHANNESBURG —
Izizalwane zeZimbabwe ezabelekela udlakela lwezombusazwe kanye lokuwa komnotho zayaphephela kwele South Africa , zithi ukugcotshwa kukaMongameli Mugabe efungiswa ukuthi abuse okweminyaka emihlanu elandelayo kulandela ukhetho olusanda kuqhutshwa eZimbabwe sekutshabalalise izifiso zabo zokuphindela ekhaya.
Inengi lezizalwane zeZimbabwe ezikhulume lale intatheli zithi, ukugcotshwa kukaMongameli Mugabe ukuthi aphinde njalo athathe intambo zombuso okweminyaka emihlanu elandelayo, kubatshiye bedanile kakhulu.
Kuleli qembu kukhona abathi babaleka elizweni ngenxa yokuhlaselwa ngabasekeli beZanu PF ngoba kuthiwa baphikisana laleli bandla.
Omunye walaba uMnumnzana Zwelibanzi Gumede uthi ukungena kukahulumende weZanu PF embusweni kutsho ukuthi ngeke esabuyela ekhaya okweminyaka emihlanu ezayo.
UMnunzana Lucky Moyo yena uthi ekhaya kabalekelanga ezombusazwe kodwa weza kwele South Africa ezodinga madlelo aluhlanza njengoba phansi kukahulumende weZanu PF ezomnotho zase zilele ngogedla.
Lobanje ubeselethemba lokubuyela ekhaya ngemva kokhetho, uthi usesesabela ukuthi ukubuyela kukamugabe esihlalweni kuzahle kuwubhidlize nya umnotho welizwe.
UNkosazana Matha Mhlanga yena uthi akathandabuzi ukuthi izibhedlela, izikolo, lokutholakala kokudla ezitolo obesekuvuselelwe nguhulumende womanyano, kuzadilika kube ngamanxuwa phansi kukahulumende weZanu PF.
Kodwake kabayisibo bonke abakhalazayo. UMnumnzana Manqoba sibanda yena uthi kavumelani lokuthi ukhetho kaluqhutshwanga kahle.
Izigidi zezizalwane zeZimbabwe zibaleke elizweni eminyakeni elitshumi edluleyo zaya emazweni abalisa eleSouth Africa, eBotswana, eNgilandi lamanye ngenxa yodlakela lwezombusazwe lokuwa kwezomnotho.
UMongameli Mugabe oleminyaka engamatshumi ayisitshiyagalombili lasitshiyagalolunye (89) useleminyaka engamatshumi amathathu lantathu (33) ebusa eZimbabwe.
Inengi lezizalwane zeZimbabwe ezikhulume lale intatheli zithi, ukugcotshwa kukaMongameli Mugabe ukuthi aphinde njalo athathe intambo zombuso okweminyaka emihlanu elandelayo, kubatshiye bedanile kakhulu.
Kuleli qembu kukhona abathi babaleka elizweni ngenxa yokuhlaselwa ngabasekeli beZanu PF ngoba kuthiwa baphikisana laleli bandla.
Omunye walaba uMnumnzana Zwelibanzi Gumede uthi ukungena kukahulumende weZanu PF embusweni kutsho ukuthi ngeke esabuyela ekhaya okweminyaka emihlanu ezayo.
UMnunzana Lucky Moyo yena uthi ekhaya kabalekelanga ezombusazwe kodwa weza kwele South Africa ezodinga madlelo aluhlanza njengoba phansi kukahulumende weZanu PF ezomnotho zase zilele ngogedla.
Lobanje ubeselethemba lokubuyela ekhaya ngemva kokhetho, uthi usesesabela ukuthi ukubuyela kukamugabe esihlalweni kuzahle kuwubhidlize nya umnotho welizwe.
UNkosazana Matha Mhlanga yena uthi akathandabuzi ukuthi izibhedlela, izikolo, lokutholakala kokudla ezitolo obesekuvuselelwe nguhulumende womanyano, kuzadilika kube ngamanxuwa phansi kukahulumende weZanu PF.
Kodwake kabayisibo bonke abakhalazayo. UMnumnzana Manqoba sibanda yena uthi kavumelani lokuthi ukhetho kaluqhutshwanga kahle.
Izigidi zezizalwane zeZimbabwe zibaleke elizweni eminyakeni elitshumi edluleyo zaya emazweni abalisa eleSouth Africa, eBotswana, eNgilandi lamanye ngenxa yodlakela lwezombusazwe lokuwa kwezomnotho.
UMongameli Mugabe oleminyaka engamatshumi ayisitshiyagalombili lasitshiyagalolunye (89) useleminyaka engamatshumi amathathu lantathu (33) ebusa eZimbabwe.