Inhlanganiso ezilwela ilungelo lezisebenzi zithi amankamPani amanengi aselobele izisbenzi ezazisa ngokuthi sezizamiswa umsebenzi kulandela umthetho osusipha abaqatshi ilungelo lokuxotsha izisebenzi mahlayana nxa zike zaphiwa inyanga ezintathu zokwaziswa.
Idale le Supreme Court linqume ngeviki edluleyo ukuthi izisebenzi zingaxotshwa kungela mbadalo yempentsheni nxa ziphiwe inyanga ezintathu zokuzilimukisa ngokuthi zizagunyulwa.
Amankamapani amanengi abaikwa ehle athumela izisebenzi incwadi zokuzazisa ngokuxotshwa kwazo ngeLwesihlanu kulandela isinqumo se Supreme Court lesi.
Umphathintambo wezezisebenzi, uNkosikazi Prisca Mupfumira laye usole isinqumo lesi etshela iphephandaba le The Herald ukuthi izisebenzi kazisoze zenelise ukukhulimisana labaqatshi lanxa ziyabe zisebene okwesikhathi eside.
UChris Gande weStudio Seven uxoxe lomkhokheli wenhlanganiso yeZCTU, uMnu. George Nkiwane othi bazaxoxisana lohulumende ngaloludaba kusasa.
