WASHINGTON DC —
Abamela izisebenzi zikahulumende namhla bahlangane okwakuqala ngemva kwemiyaka emibili kukhulunywa ngeholo kodwa akuphumanga lutho.
Abammeli bezisebenzi bathi lanxa bethule izikhalazo zabo uhulumende kazange abaphe imbono yakhe okutshengisa ukuthi ubengazilungiselelanga.
Kodwa kumaviki adluleyo uhulumende ubesethesa inhlanganiso zezisebenzi zakhe umlandu wokudonsela muva inkulumo zeholo ngoba zingafuni ukuvumelana ngenani labammeli.
Izisebenzi zithi zifuna isisebenzi esithola imali ephansi ibe ngamadola edlula kancane amakhulu amahlanu- $547 eyiyo eyisilinganiso sobuyanga.
Umphathintambo obona ngezisebenzi zikahulumende, uMnu. Nicholas Goche utshele iStudio 7 ukuthi kafuni kuphazamisa inkulumo lezi ngokukhuluma lalumskazo. Umgcinisihlalo womanyano wezisebenzi zikahulumende, i APEX council, uMnu. Richard Gundani uchasisela iStudio 7 okunengi ngaloludaba.
Kunjalo nje, siphinde saxoxa lesikhulumeli senhlanganiso ye Progressive Teachers’ Union of Zimbabwe, uMnu. Enock Paradzayi ukuze sizwe ukuthi bona bathini ngaloludaba.
Abammeli bezisebenzi bathi lanxa bethule izikhalazo zabo uhulumende kazange abaphe imbono yakhe okutshengisa ukuthi ubengazilungiselelanga.
Kodwa kumaviki adluleyo uhulumende ubesethesa inhlanganiso zezisebenzi zakhe umlandu wokudonsela muva inkulumo zeholo ngoba zingafuni ukuvumelana ngenani labammeli.
Izisebenzi zithi zifuna isisebenzi esithola imali ephansi ibe ngamadola edlula kancane amakhulu amahlanu- $547 eyiyo eyisilinganiso sobuyanga.
Umphathintambo obona ngezisebenzi zikahulumende, uMnu. Nicholas Goche utshele iStudio 7 ukuthi kafuni kuphazamisa inkulumo lezi ngokukhuluma lalumskazo. Umgcinisihlalo womanyano wezisebenzi zikahulumende, i APEX council, uMnu. Richard Gundani uchasisela iStudio 7 okunengi ngaloludaba.
Kunjalo nje, siphinde saxoxa lesikhulumeli senhlanganiso ye Progressive Teachers’ Union of Zimbabwe, uMnu. Enock Paradzayi ukuze sizwe ukuthi bona bathini ngaloludaba.