Ezinye izisebenzi zenhlanganiso ezicwayisisa ngokuqhutshwa kokhetho eyeZimbabwe Election Support Network leye-Election Resource Centre ezisanda kutholakala zingelamacala kulandela ukubotshwa kwazo ngosuku lokhetho mhlaka 23 Ncwabakazi nyakenye sezibophise amapholisa kanye lomphathintambo wogatsha lwendaba zangaphakathi uMnu Kazembe Kazembe.
Izisebenzi lezi zibethesa umlandu wokuthatha omakhalekhukhwini lama-computers azo okungekho emthethweni.
Imitshina yonke eyathathwayo ayikabiselwa njalo amapholisa athi awakenelisi ukuyibisela ngoba esacwayisisa udaba lwabo.
Igqwetha lezisebenzi lezi uMnu Kossam Ncube utshele iStudio7 ukuthi sebephanyeke loludaba enkantolo njalo amapholisa aphikisana lalo esithi asasebenzisa limitshina ukuphenya.
Asenelisanga ukuxhumana lesikhulumeli samapholisa uMnu Paul Nyathi njengoba ebengadobhi ucingo lwakhe.
Forum