Izisebenzi zekhansili yeChitungwiza ezikade zikhalala umsebenzi zibuyele emsebenzini ngoMvulo ngemva kokuthola isixwayiso esibikwa sivele kumpathintambo wezisebenzi umnumzana Nicholas Goche ngoLwesihlanu sisithi kumele zibuyele emsebenzini ngokuphangisa kusamelelwe okuphuma emthethwandaba wezisebenzi njengoba lolu daba soluhluzwa edale leli leLabour Court.
Kodwake okhulume emele izisebenzi zeChitungwiza umnumzana Moses Mahlangu ongunobhala jikelele weZimbabwe Urban Councils Workers Union uthi ugwalo olubikwa luvele kuGoche lolu olwe Show Cause Order, ngemva kokuluhlolisisa bafumene ukuthi lugwalo olungela qiniso njengoba lungasayinwanga ngumpathintambo phansi kweziqondiso zemithetho yezisebenzi. UMahlangu uthi lolu gwalo belungela usuku olubhalwe ngalo njalo luthenyelwe kusetshenziswa ikheli yeP.O. Box.
UMayor weChitungwiza uMnu. Philip Mutoti ugcizelele ukuthi ngempela izisebenzi ziphindele emsenzini lapho kusakhulunyisanwa ngokuthi izisebenzi zingabhadalwa njani iholo lazo eselifika isikhwelede sezigidi ezilitshumi lanye zamadollar-$11million. I-Studio 7 yehlulekile ukukhulumisana loGoche ngalolu daba.
UMahlangu uthe ebuzwa ngokuthi lokhu sokusitsho na, ukuthi izisebenzi sezizabuyela ekukhalaleni umsebenzi na kumbe hatshi.