Umgcinisihlalo webandla le Zanu-PF uMnu. Simon Khaya Moyo usexwayise abagcinisihlalo bezigaba zelizwe jikelele ukuthi kabafanelanga ukutshukela indaba zebandla emphaklathini, ikakhulu udaba lukankosikazi kaMongameli, uGrace Mugabe.
Emhlanganwneni wesiphangiphangi owenzelwe eHarare izolo uKhaya-Moyo uthe inkulumo isigcwele kubandla le Zanu PF osekubangele ukuthi kube lokungezwani. Ukudonselana amandla sekubhahile ebandleni leli osekuveze amaxuku amabili, elinye likhokhelwa ngumsekeli kaMongameli Mugabe, uNkosikazi Joyce Mujuru kuthi elinye likhokhela ngunobhala webandla, uMnu. Emmerson Mnangagwa.
Unkosikazi Grace Mugabe ukhangelelwe ukukhokhela uhlangothi lwabesifazane ngemva komhlangano omkhulu, icongress, okhengelewe ukwenziwa ngenyanga ka Mpalakazi.
Ukuhlaziya loludaba uChris Gande weStudio Seven uxoxe lengcwethi kwezombusazwe, uMnu. Morris Ngwenya, oyisiphathamandla sebandla le Zanu PF.