HARARE —
Umongameli Robert Mugabe wamukele njengabulo izicoco zabenhlanganiso ye European Union for Tourism and Trade ezinikezwe uhlangothi lwezokwethekelelana, ezibalisa ese World Favourable Cultural Destination, lese Best Tourism Destination 2014 esithi ziza ngesikhathi amanye amazwe elokhu esadinga indlela zokujezisa eleZimbabwe.
Umongameli Mugabe utsho lamazwi emkhosini wokwamukela lezi zicoco ezinikezwe eleZimbabwe owenzelwe e Harare International Conference Centre lamuhla.
Lezi zicoco zinikezwe ilizwe ngemva kokuba eleZimbabwe likhethwe phakathi kwamazwe angamatshumi amabili lasikhombisa emhlanganweni owenziwa ngabenhlanganiso ye European Union mhla zintathu kunyanga ka Nkwenkwezi – 3 May 2014. Wengeze ethi kasimangalisi lesi sehlakalo ngoba vele eleZimbabwe selithuthukile kwezokwethekelelana njengoba linothile kakhulu kwezemvelo.
Utshele amalunga abekulomkhosi uMugabe ukuba makangakhohlwa uzulu welizwe ukuyiqakathekisa imbali yeZimbabwe lanxa ibuhlungu, Kanye lesiko lakhe, wakhuthaza ukuba makabe ngophila ebambene uzulu weZimbabwe ukuqhubekisela phambili imisebenzi ethuthukisa ilizwe.
Wagcizelela njalo njengenhlayenza ukuba kaliyi kubuyela ezandleni zabokuza ele Zimbabwe elathola uzibuse ngomnyaka ka 1980 ngemva kokunqoba empini eyaletha uzibuse wabensundu.
Uncome imisebenzi kamphathintambo wezokwethekelelana uEngineer Walter Muzembi ethi kungenxa yokusebenza kwakhe nzima emikhankasweni yokuvuselela ezokwethekelelana elizweni.
Umkhokheli wequla leli elizibiza ngokuthi EU Council on Tourism and Trade uProffessor Dr Antony Caracagia uchaze eleZimbabwe njengelizwe elilokuthula njalo elilabantu abemukela izethekeli ngendlela ejabulisayo.
Emazwini akhe wokwamukela izicoco asinikezweyo laye, umphathintambo wogatsha lwezokwethekelelana uthembise ukusebenza nzima ukuthuthukisa imisebenzi yogatsha lwakhe.
Kwathi umphathintambo wogatsha lwezemidlalo kanye lamasiko,umnumzana Andrew Langa, owemukele isicoco sokuba eleZimbabwe lilizwe elilandela isiko layo okubukekayo ese The Favourable Cultural Destination Award laye uncome lesi sehlakalo.
Kodwa isimanga yikuba lanxa linhlanganiso ize ngegama lokuba ingaphansi kwenhlanganiso ye EU ubengekho ummeli wayo kuleli umnumzana Aldo Della’Riccia. Okunye okukhathaza abanengi yikuba kungani leliqula likhethe ukuza kuleli ukuzanikeza izicoco lezi kumongameli Mugabe lohulumende okhona endaweni yokuba banxunswe baye esigodlweni salenhlangfaniso e Brussels e Belgium njengalokho okuvele kusenziwa kulabo abatholiswa izicoco.
Umongameli Mugabe utsho lamazwi emkhosini wokwamukela lezi zicoco ezinikezwe eleZimbabwe owenzelwe e Harare International Conference Centre lamuhla.
Lezi zicoco zinikezwe ilizwe ngemva kokuba eleZimbabwe likhethwe phakathi kwamazwe angamatshumi amabili lasikhombisa emhlanganweni owenziwa ngabenhlanganiso ye European Union mhla zintathu kunyanga ka Nkwenkwezi – 3 May 2014. Wengeze ethi kasimangalisi lesi sehlakalo ngoba vele eleZimbabwe selithuthukile kwezokwethekelelana njengoba linothile kakhulu kwezemvelo.
Utshele amalunga abekulomkhosi uMugabe ukuba makangakhohlwa uzulu welizwe ukuyiqakathekisa imbali yeZimbabwe lanxa ibuhlungu, Kanye lesiko lakhe, wakhuthaza ukuba makabe ngophila ebambene uzulu weZimbabwe ukuqhubekisela phambili imisebenzi ethuthukisa ilizwe.
Wagcizelela njalo njengenhlayenza ukuba kaliyi kubuyela ezandleni zabokuza ele Zimbabwe elathola uzibuse ngomnyaka ka 1980 ngemva kokunqoba empini eyaletha uzibuse wabensundu.
Uncome imisebenzi kamphathintambo wezokwethekelelana uEngineer Walter Muzembi ethi kungenxa yokusebenza kwakhe nzima emikhankasweni yokuvuselela ezokwethekelelana elizweni.
Umkhokheli wequla leli elizibiza ngokuthi EU Council on Tourism and Trade uProffessor Dr Antony Caracagia uchaze eleZimbabwe njengelizwe elilokuthula njalo elilabantu abemukela izethekeli ngendlela ejabulisayo.
Emazwini akhe wokwamukela izicoco asinikezweyo laye, umphathintambo wogatsha lwezokwethekelelana uthembise ukusebenza nzima ukuthuthukisa imisebenzi yogatsha lwakhe.
Kwathi umphathintambo wogatsha lwezemidlalo kanye lamasiko,umnumzana Andrew Langa, owemukele isicoco sokuba eleZimbabwe lilizwe elilandela isiko layo okubukekayo ese The Favourable Cultural Destination Award laye uncome lesi sehlakalo.
Kodwa isimanga yikuba lanxa linhlanganiso ize ngegama lokuba ingaphansi kwenhlanganiso ye EU ubengekho ummeli wayo kuleli umnumzana Aldo Della’Riccia. Okunye okukhathaza abanengi yikuba kungani leliqula likhethe ukuza kuleli ukuzanikeza izicoco lezi kumongameli Mugabe lohulumende okhona endaweni yokuba banxunswe baye esigodlweni salenhlangfaniso e Brussels e Belgium njengalokho okuvele kusenziwa kulabo abatholiswa izicoco.