HARARE —
EleZimbabwe limanyane lamanye amazwe womhlaba ngoLwesine ekunanzeni usuku lokukhankasela ukwesulwa kwesigwebo sogodo ele International Day Against The Death Penalty.
Emkhosini lo umphathintambo wezemithetho umnumzana Emmerson Munangagwa uveze ukuba uhulumende useqalisile imizamo yokuthi sesulwe lesisigwebo, okuvezwa ngokumunyetwe yisisekelo esitsha sombuso ngalolu daba.
Isisekelo sombuso esitsha sikubeka sobala ukuba owesilisa oleminyaka ephezu kwelitshumi lasikhombisa kusiya kwengamatshumi ayisikhombisa nguye okumele agwetshelwe ugodo nxa ethe wabulala omunye .
UMunangagwa obengumhlonitshwa kulomkhosi oqoqwe ngabenhlanganiso ebona ngokulwela ilungelo loluntu emhlabeni jikelele eye Amnesty International,wenzelwa eHarare Gardens eHarare, utshele uzulu ukuba abantu abangamatshumi phose ayisitshiyagalolunye - 89 ababili babo kungomama, abagwetshelwa ugodo, belenhlanhla ngoba engasoze asaine amaphepha abo avumela ukuba balengiswe.
UMunangagwa, ungomunye wabalenhlanhla ngoba wasala kancane ukubulawa kodwa wancedwa yikuba ubeleminyaka engaphansi ngaleso sikhathi. Uthi uhulumende uzaphatheka kunhlelo zokubuthanisa imibono kazulu phezu kokwesulwa kwalesi sigwebo sogodo,waqonqosela ukuba uhulumende uzalandela okukhethwa nguzulu.
Kodwa umqondisi wenhlanganiso ye Amnesty International umnumzana Cousin Zilala uthi kungumlandu wenkokheli ukubona ukuba uyesulwa lumthetho wogodo lanxa uzulu angatsho ngenye indlela ngoba inhloso kuyikulondoloza impilo kungakhathalekile ukuba cala bani elidalwe ngogwetshelwe ugodo.
UZilala ukhumbuza inkokheli zamazwe alwa inkululeko akuzwekazi langezansi yezwekazi ye Africa ukuba zimanyane ukukhankasela ukwesulwa kwalesi sigwebo zilandela isibonelo esihle esenziwe ngamazwe abalisa ele South Africa, Mozambique, Angola leleNamibia.
Ngasikhathi sinye UMunangagwa utshele uzulu obe kulomkhosi, ukuba eleZimbabwe alisoze laloba igama lisekela isivumelwano somthethwandaba wamazwe womhlaba owe International Criminal Court-ICC ethi ngoba sebekunanzelele ukuba usetshenziswa okulobandlululo kuzizalwane zezwekazi le Africa kuphela.
Ukuhlaziya loludaba sixoxe lengcwethi ecubungula ezombusazwe, uNkosazana Delta Milayo Ndou lolwela ilungelo loluntu, uMnu. Clement Moyo onguye osungula lingxoxo.
Emkhosini lo umphathintambo wezemithetho umnumzana Emmerson Munangagwa uveze ukuba uhulumende useqalisile imizamo yokuthi sesulwe lesisigwebo, okuvezwa ngokumunyetwe yisisekelo esitsha sombuso ngalolu daba.
Isisekelo sombuso esitsha sikubeka sobala ukuba owesilisa oleminyaka ephezu kwelitshumi lasikhombisa kusiya kwengamatshumi ayisikhombisa nguye okumele agwetshelwe ugodo nxa ethe wabulala omunye .
UMunangagwa obengumhlonitshwa kulomkhosi oqoqwe ngabenhlanganiso ebona ngokulwela ilungelo loluntu emhlabeni jikelele eye Amnesty International,wenzelwa eHarare Gardens eHarare, utshele uzulu ukuba abantu abangamatshumi phose ayisitshiyagalolunye - 89 ababili babo kungomama, abagwetshelwa ugodo, belenhlanhla ngoba engasoze asaine amaphepha abo avumela ukuba balengiswe.
UMunangagwa, ungomunye wabalenhlanhla ngoba wasala kancane ukubulawa kodwa wancedwa yikuba ubeleminyaka engaphansi ngaleso sikhathi. Uthi uhulumende uzaphatheka kunhlelo zokubuthanisa imibono kazulu phezu kokwesulwa kwalesi sigwebo sogodo,waqonqosela ukuba uhulumende uzalandela okukhethwa nguzulu.
Kodwa umqondisi wenhlanganiso ye Amnesty International umnumzana Cousin Zilala uthi kungumlandu wenkokheli ukubona ukuba uyesulwa lumthetho wogodo lanxa uzulu angatsho ngenye indlela ngoba inhloso kuyikulondoloza impilo kungakhathalekile ukuba cala bani elidalwe ngogwetshelwe ugodo.
UZilala ukhumbuza inkokheli zamazwe alwa inkululeko akuzwekazi langezansi yezwekazi ye Africa ukuba zimanyane ukukhankasela ukwesulwa kwalesi sigwebo zilandela isibonelo esihle esenziwe ngamazwe abalisa ele South Africa, Mozambique, Angola leleNamibia.
Ngasikhathi sinye UMunangagwa utshele uzulu obe kulomkhosi, ukuba eleZimbabwe alisoze laloba igama lisekela isivumelwano somthethwandaba wamazwe womhlaba owe International Criminal Court-ICC ethi ngoba sebekunanzelele ukuba usetshenziswa okulobandlululo kuzizalwane zezwekazi le Africa kuphela.
Ukuhlaziya loludaba sixoxe lengcwethi ecubungula ezombusazwe, uNkosazana Delta Milayo Ndou lolwela ilungelo loluntu, uMnu. Clement Moyo onguye osungula lingxoxo.