WASHINGTON DC —
Inhlanganiso yeZimbabwe Investment Authority ithi ikhangelele ukuthi ilizwe lizathola imali edlula ibillion lamadollar ezavela phandle kwelizwe phansi kwenhlelo zokusungulwa kwamabhizimusi amatsha kwele Zimbabwe.
Ekhuluma ekwethulweni kombiko ophathelane lokusungulwa kwamabhizimusi amatsha kwele Zimbabawe olotshwe ngabenhlanganiso ye United Nations Conference On Trade and Development-UNCTAD, ophansi kwesihloko esithi World Investment Report 2014, umgcinisihlalo weBoard ye Zimbabwe Investment Authority umnumzana Nigel Chanakira uthe okwamanje ilizwe selithole izigidi ezingamakhulu amane zamadollar einye ikhangelelwe ukuza lumnyaka ungakagqitshwa.
UChanakira uthi bakhangelele ukuthi umsebenzi wokusungulwa kwamabhizimusi amatsha ngabakwamanye amazwe uzathuthuka okuphindwe kathathu ekupheleni komnyaka ozayo.
Uqhubeke ethi ukuguqulwa lokuthuthukiswa kwemithetho efana lowokupha izizalwane zelizwe amandla kwezamabhizimusi okade usesatshwa lokungazwisiswa ngabamanye amazwe kuzanceda ukuthi baze bekhululekile.
Kunjalo nje umcebisi kuhlangothi olubona ngentuthuko emsebenzini wemali enhlanganisweni yomanyano wamazwe womhlaba olwe United Nations Development Program-UNDP, umnumzana Amarakoon Bandara, uthi ele Zimbabwe lilakho ukwehluleka ukugcwalisa iziqondiso zesivumelwano zeUnited Nations Millennium Development Goals lapho kusiya gqitshwa umnyak’ozayo ka2015. Lokhu uBandara uthi kuzabangelwa yikwehluleka kukahulumende ukugcwalisa iziqondiso zohlelo lwakhe lokuthuthukisa inotho olwe Zimbabwe Agenda for Socio-Economic Transformation-Zimaset.
Ugwalo lweWorld Investment Report 2014 olwethulwe ngabe UNCTAD lwalotshwa igama ngunobhala jikelele wenhlanganiso yomanyano wamazwe womhlaba umnumzana Ban Ki-moon luveza ukuba abaninibhizimusi bakwamanye amazwe athuthukileyo sebethakazalela ukusungula ingatsha zamankampani abo emazweni emazwe angentshonalanga kwezwekazi leAfrica. Lolu gwalo lukhuthaza njalo amazwe asathuthukayo ukuthi asungule inhlelo zokusebenzelana kwezenotho lenhlanganiso labamabhizimusi bakwamanye amazwe ukuze inotho yawo layo ithuthuke.
Ekhuluma ekwethulweni kombiko ophathelane lokusungulwa kwamabhizimusi amatsha kwele Zimbabawe olotshwe ngabenhlanganiso ye United Nations Conference On Trade and Development-UNCTAD, ophansi kwesihloko esithi World Investment Report 2014, umgcinisihlalo weBoard ye Zimbabwe Investment Authority umnumzana Nigel Chanakira uthe okwamanje ilizwe selithole izigidi ezingamakhulu amane zamadollar einye ikhangelelwe ukuza lumnyaka ungakagqitshwa.
UChanakira uthi bakhangelele ukuthi umsebenzi wokusungulwa kwamabhizimusi amatsha ngabakwamanye amazwe uzathuthuka okuphindwe kathathu ekupheleni komnyaka ozayo.
Uqhubeke ethi ukuguqulwa lokuthuthukiswa kwemithetho efana lowokupha izizalwane zelizwe amandla kwezamabhizimusi okade usesatshwa lokungazwisiswa ngabamanye amazwe kuzanceda ukuthi baze bekhululekile.
Kunjalo nje umcebisi kuhlangothi olubona ngentuthuko emsebenzini wemali enhlanganisweni yomanyano wamazwe womhlaba olwe United Nations Development Program-UNDP, umnumzana Amarakoon Bandara, uthi ele Zimbabwe lilakho ukwehluleka ukugcwalisa iziqondiso zesivumelwano zeUnited Nations Millennium Development Goals lapho kusiya gqitshwa umnyak’ozayo ka2015. Lokhu uBandara uthi kuzabangelwa yikwehluleka kukahulumende ukugcwalisa iziqondiso zohlelo lwakhe lokuthuthukisa inotho olwe Zimbabwe Agenda for Socio-Economic Transformation-Zimaset.
Ugwalo lweWorld Investment Report 2014 olwethulwe ngabe UNCTAD lwalotshwa igama ngunobhala jikelele wenhlanganiso yomanyano wamazwe womhlaba umnumzana Ban Ki-moon luveza ukuba abaninibhizimusi bakwamanye amazwe athuthukileyo sebethakazalela ukusungula ingatsha zamankampani abo emazweni emazwe angentshonalanga kwezwekazi leAfrica. Lolu gwalo lukhuthaza njalo amazwe asathuthukayo ukuthi asungule inhlelo zokusebenzelana kwezenotho lenhlanganiso labamabhizimusi bakwamanye amazwe ukuze inotho yawo layo ithuthuke.