BULAWAYO —
Usuku lwesibili lomdlalo kakhilikithi owohlobo lwe Test odlalwa phakathi kwe Zimbabwe le Pakistan enkundleni ye Harare Sports Club luphele iZimbabwe yenelise ama Runs afika phose amakhulu amathathu (294) kuthi iPakistan ilama Runs alikhulu lamatshumi ayisithupha lantathu (163).
UHamilton Masakadza lo kaputeni weqembu le Zimbabwe uBrendan Taylor yibo abadlali basekhaya abenelise ukutshaya amaRuns edlula amatshumi amahlanu ku Innings ye Zimbabwe yona okuyiyo eqale ukutshaya ibhola ekuqaleni komdlalo ngoMvulo.
Amavulandlela eqembu leZimbabwe yiwo angaqhubanga kuhle njengoba uTinotenda Mawoyo ekhutshwe engakatholi loba iRun eyodwa kwathi omunye wakhe uVusi Sibanda uthole ama Runs alitshumi lane kuphela.
UMasakadza lo Taylor bangene bekundawo yesithathu leyesine njalo yibo abencede iqembu le Zimbabwe ukuze libuthelele ama runs ahloniphekayo.
IPakistan iyaqhubeka ukutshaya ibhola ekuqhubekelni phambili komdlalo kusasa ekuseni njalo iyenelise ama Runs ayo ilahlekelwe ngabadlali abathathu okutsho ukuba itshiywa yi Zimbabwe ngama Runs alikhulu elilamatshumi amathathu lanye (131)njalo isele lama Wickets ayisikhombisa.
Ku Test yakuqala edlalwe ngeviki edluleyo iPakistan inqobe iZimbabwe ngama Runs angamakhulu amabili alamatshumi amabili lanye (221).
Sikhangele umdlalo kanobhutshuzwayo;
Iqembu elimela isizwe emdlalweni wenguqu elama Warriors linqobe ele South Africa nge 2 ka 1 ngoLwesibili ntambama emdlalweni wokuzwana amandla oqhutshelwe enkundleni ye Orlando Stadium khonale eSouth Africa.
Abahlohlele iZimbabwe ngabathi uKnowledge Musona kanye lo Cuthbert Malajila kuthi othole elokukhipha inhloni eleqembu le South Africa ngu Bernard Parker.
Limpumela itsho ukuba lawa maqembu asedibane emidlalweni elitshumi lantathu selokhu ilizwe leSouth Africa lavunyelwa ukuphatheka emidlalweni yenguqu eqoqwa yinhlanganiso ye FIFA njalo womabili anqoba emidlalweni eyisithupha kuthi umdlalo owodwa aba ngutshiki lobhanqa.
Lawamazwe abasebenzisa lumdlalo njengengxenye yamalungiselelo awo awokuphatheka kumidlalo yeCHAN ezaqoqwa yiSouth Africa ngomnyaka ozayo kodwa ele Zimbabwe belilabadlali abanengi abadlalela amaqembu eSouth Africa abangasoze bephatheke kulumncintiswano ongenwa ngabadlali abadlala besekhaya.
Ele South Africa lona belilabadlali ababili kuphela abadlala phandle kwalelo lizwe.
UHamilton Masakadza lo kaputeni weqembu le Zimbabwe uBrendan Taylor yibo abadlali basekhaya abenelise ukutshaya amaRuns edlula amatshumi amahlanu ku Innings ye Zimbabwe yona okuyiyo eqale ukutshaya ibhola ekuqaleni komdlalo ngoMvulo.
Amavulandlela eqembu leZimbabwe yiwo angaqhubanga kuhle njengoba uTinotenda Mawoyo ekhutshwe engakatholi loba iRun eyodwa kwathi omunye wakhe uVusi Sibanda uthole ama Runs alitshumi lane kuphela.
UMasakadza lo Taylor bangene bekundawo yesithathu leyesine njalo yibo abencede iqembu le Zimbabwe ukuze libuthelele ama runs ahloniphekayo.
IPakistan iyaqhubeka ukutshaya ibhola ekuqhubekelni phambili komdlalo kusasa ekuseni njalo iyenelise ama Runs ayo ilahlekelwe ngabadlali abathathu okutsho ukuba itshiywa yi Zimbabwe ngama Runs alikhulu elilamatshumi amathathu lanye (131)njalo isele lama Wickets ayisikhombisa.
Ku Test yakuqala edlalwe ngeviki edluleyo iPakistan inqobe iZimbabwe ngama Runs angamakhulu amabili alamatshumi amabili lanye (221).
Sikhangele umdlalo kanobhutshuzwayo;
Iqembu elimela isizwe emdlalweni wenguqu elama Warriors linqobe ele South Africa nge 2 ka 1 ngoLwesibili ntambama emdlalweni wokuzwana amandla oqhutshelwe enkundleni ye Orlando Stadium khonale eSouth Africa.
Abahlohlele iZimbabwe ngabathi uKnowledge Musona kanye lo Cuthbert Malajila kuthi othole elokukhipha inhloni eleqembu le South Africa ngu Bernard Parker.
Limpumela itsho ukuba lawa maqembu asedibane emidlalweni elitshumi lantathu selokhu ilizwe leSouth Africa lavunyelwa ukuphatheka emidlalweni yenguqu eqoqwa yinhlanganiso ye FIFA njalo womabili anqoba emidlalweni eyisithupha kuthi umdlalo owodwa aba ngutshiki lobhanqa.
Lawamazwe abasebenzisa lumdlalo njengengxenye yamalungiselelo awo awokuphatheka kumidlalo yeCHAN ezaqoqwa yiSouth Africa ngomnyaka ozayo kodwa ele Zimbabwe belilabadlali abanengi abadlalela amaqembu eSouth Africa abangasoze bephatheke kulumncintiswano ongenwa ngabadlali abadlala besekhaya.
Ele South Africa lona belilabadlali ababili kuphela abadlala phandle kwalelo lizwe.