Umphathintambo wezokuthuthukisa inotho kazulu usevumelene lomunye wakhe wezemfundo ukuthi izikolo ezizimeleyo akumelanga zibanjwe ngamandla ukuthi zilandele umthetho we indigenization.
Umnu. Saviour Kasukuwere lo Mnu. David Coltart bethule lumbiko ebulenjini kuFacebook.
UKasukuwere uthe izikolo ezingasoze zabele uzulu amashares ngezingaphansi kwamabandla okholo, amakhansili lalezo ezakhelwe uzulu – ezama Trust Schools.
Uthe izikolo lezi kaziqhubi msebezi ukuze zithole inzuzo njengamabhizimusi .
UColtart uncome indlela uKasukuwere asekhuluma ngayo ngezikolo esithi bekuvele kuzabanzima ukuthi zifakwe ezandleni zabantu makhaza.
Abantu akade belandela udaba lolu ebulenjini ku Facebook batshayele uColtart ihlombe bathi loba nje izikolo zingasoze zithathwe nguzulu, uhlelo lweIndigenization luyethusa osomabhizimusi bakwamanye amazwe abafuna ukuvula iamanye eZimbabwe.
UKasukuwere ubethule umbiko othi izikolo sokumele zabele uzulu amashares ayisilinganiso sokungamatshumi amahlanu lanye ekhulwini – 51% phansi komthetho weIndigenization.
Umnu. Paul Ngwenya owayengumqondisi we National Association of Primary School Headmasters uthi bekuvele kuzaba nzima ukulandela lumthetho weindigenisation ezikolo.
Umnu. Ambrose Sibindi owayengumgcinisihlalo wekhomithi yabazali eCyrene Mission uthi izikolo ezizimele zodwa vele kazitholi inzuzo.
