Inkampani ye ZESA ithi izacitsha ingxenye yesikwelede sikazulu kuyo engaba ngamadola alikhulu lamatshumi ayisithupha ngandluyinye. Lelinyathelo likhangelelwe ukutshiya linkampani ilesikwelede esingaba ngamadola alikhulu lamatshumi ayiyisikhombisa-$170 million.
Isikhulumeli se ZESA uMnu. Fullard Gwasira uthi abalimi labo bazakwehliselwa isikwelede kodwa hatshi amankampani. UMnu. Gwasira utshele iStudio Seven ukuthi lesi sehlakalo siyisipho seKhisimusi esize lolusuku lungakafiki.
Leli nyathelo lithathwanje kungekedluli inyanga uhulumende ethe umanisipala esulele izakhamizi isikwelede kuwo.
Inkampani yeZESA ilemali engaba yingxenye ye billion yamadola eyisikwelede esikuzulu elizweni lonke jikelele.
UChris Gande weStudio 7 uxoxe lomgcinisihlalo wenhlanganiso yezakhamizi zakoBulawayo, iBulawayo United Residents’ Association, iBURA, uMnu. Winos Dube othi uzulu uyemukela lelinyathelo ngenjabulo.
Kodwa owake waba ngukhansila wedolobho lakoBulawayo, uAlderman Charles Mpofu utshele uChris ukuthi inyathelo elithethwe nguhlumende leZESA litshengisa ukwehluleka ukubusa.
Isikhulumeli se ZESA uMnu. Fullard Gwasira uthi abalimi labo bazakwehliselwa isikwelede kodwa hatshi amankampani. UMnu. Gwasira utshele iStudio Seven ukuthi lesi sehlakalo siyisipho seKhisimusi esize lolusuku lungakafiki.
Leli nyathelo lithathwanje kungekedluli inyanga uhulumende ethe umanisipala esulele izakhamizi isikwelede kuwo.
Inkampani yeZESA ilemali engaba yingxenye ye billion yamadola eyisikwelede esikuzulu elizweni lonke jikelele.
UChris Gande weStudio 7 uxoxe lomgcinisihlalo wenhlanganiso yezakhamizi zakoBulawayo, iBulawayo United Residents’ Association, iBURA, uMnu. Winos Dube othi uzulu uyemukela lelinyathelo ngenjabulo.
Kodwa owake waba ngukhansila wedolobho lakoBulawayo, uAlderman Charles Mpofu utshele uChris ukuthi inyathelo elithethwe nguhlumende leZESA litshengisa ukwehluleka ukubusa.