WASHINGTON DC —
Ikhomisheni ebona ngezokhetho eye Zimbabwe Electoral Commission, ithi impumela yokhetho lukamongameli welizwe lwangoLwesithathu izakwaziswa yisigodlo salolugatsha eHarare ngoba kungavunyelwa ukuthi yaziswe ngomunye umuntu.
UNkosikazi Rita Makarau utshele umhlangano awenze lentathelizindaba eHarare ngoMvulo ukuthi impumela yamalunga edale lephalamende izakwaziswa ngesigaba kuthi amakhansila aziswe kuma Ward.
UMakarau wazise njalo ukuthi kulandela ukukhonona kwabantu ngogwalo loluhlu lwabalelungelo lokuvota iVoters Roll, lolugwalo luzavulwa njalo ngoLwesibili ukuze luhlolwe nguzulu wonke olwesifiso sokwenza njalo.
Ekhuluma ngelanga lokuvota uMakarau uthe uzulu kumele avukele ekuseni ngoba bekhangelelwe ukuba banengi abantu abazayavota lanxa bengezelele indawo zokuvotela.
Uthi ZEC isilungele ukhetho esithi ikhomisheni yakhe isidinde amaphepha okuvota, ama ballot papers, edlula izigidi ezithoba minwe mibili-8 million.
Kunjalo nje, icele leMDC elikhokhelwa nguMnu. Welshman Ncube lithi idolobho lakoBulawayo liphiwe amaBallot Papers edlula inani eliphindwe kathathu labantu abakugwalo loluhlu lwabalelungelo lokuvota.
Isikhulumeli salelibandla, uMnu. Nhlanhla Dube utshele uChris Gande weStudio 7 ukuthi idolobho lakoBulawayo lilabantu abakuluhlu lolu abazinkulungwane ezingamakhulu amathathu-300 000 kuphela kodwa lithole amaballot afika phose isigidi esisodwa.
UNkosikazi Rita Makarau utshele umhlangano awenze lentathelizindaba eHarare ngoMvulo ukuthi impumela yamalunga edale lephalamende izakwaziswa ngesigaba kuthi amakhansila aziswe kuma Ward.
UMakarau wazise njalo ukuthi kulandela ukukhonona kwabantu ngogwalo loluhlu lwabalelungelo lokuvota iVoters Roll, lolugwalo luzavulwa njalo ngoLwesibili ukuze luhlolwe nguzulu wonke olwesifiso sokwenza njalo.
Ekhuluma ngelanga lokuvota uMakarau uthe uzulu kumele avukele ekuseni ngoba bekhangelelwe ukuba banengi abantu abazayavota lanxa bengezelele indawo zokuvotela.
Uthi ZEC isilungele ukhetho esithi ikhomisheni yakhe isidinde amaphepha okuvota, ama ballot papers, edlula izigidi ezithoba minwe mibili-8 million.
Kunjalo nje, icele leMDC elikhokhelwa nguMnu. Welshman Ncube lithi idolobho lakoBulawayo liphiwe amaBallot Papers edlula inani eliphindwe kathathu labantu abakugwalo loluhlu lwabalelungelo lokuvota.
Isikhulumeli salelibandla, uMnu. Nhlanhla Dube utshele uChris Gande weStudio 7 ukuthi idolobho lakoBulawayo lilabantu abakuluhlu lolu abazinkulungwane ezingamakhulu amathathu-300 000 kuphela kodwa lithole amaballot afika phose isigidi esisodwa.
