WASHINGTON —
Ikhomishini ebona ngezokhetho eye ZEC ikhuthaze amabandla ezombusazwe ukuthi akhankasele ukhetho oluzayo ngokuthula njalo yathembisa ukuthi izahlolisisa ukuthi imisakazo lamaphephandaba anika amabandla wonke ezombusazwe ithuba elilinganayo lokukhankasa ilanga lokhetho lingakaziswa.
Ekhuluma phambi kwekhomithi yedale lephalamende ebona ngokulondolozwa kokuthula, ezomvikela kanye lebona ngokwenzakala elizweni eye Peace and Security leye Defence and Home Affairs, umgcinisihlalo we ZEC uNkosikazi Rita Makarau uthe ikhomishini yakhe ilokhu ingakatholi imali yonke eyathenjiswa nguhulumende eyendleko yokulungiselela ukhetho lwalonyaka.
Wengeze wathi ukuswelakala kwemali yikho osokubangele ukuthi I-ZEC yehluleke ukuqhuba imfanelo zayo zonke kuhlelo lwenyanga yonke lwe Mobile Voter Registration olusaqhubeka.
UMnu. Reggie Moyo, ilunga lekhomithi ye Defence and Home Affairs njalo emela iLuveve edale lephalamende utshele uSithandekile Mhlanga weStudio 7 ukuthi I-ZEC iveze ukuthi kulamabandla ezombusazwe edlula amatshumi amathathu asebhalisele ukuphatheka kukhetho oluzayo njalo manengi alokhu ebhalisa.
Ekhuluma phambi kwekhomithi yedale lephalamende ebona ngokulondolozwa kokuthula, ezomvikela kanye lebona ngokwenzakala elizweni eye Peace and Security leye Defence and Home Affairs, umgcinisihlalo we ZEC uNkosikazi Rita Makarau uthe ikhomishini yakhe ilokhu ingakatholi imali yonke eyathenjiswa nguhulumende eyendleko yokulungiselela ukhetho lwalonyaka.
Wengeze wathi ukuswelakala kwemali yikho osokubangele ukuthi I-ZEC yehluleke ukuqhuba imfanelo zayo zonke kuhlelo lwenyanga yonke lwe Mobile Voter Registration olusaqhubeka.
UMnu. Reggie Moyo, ilunga lekhomithi ye Defence and Home Affairs njalo emela iLuveve edale lephalamende utshele uSithandekile Mhlanga weStudio 7 ukuthi I-ZEC iveze ukuthi kulamabandla ezombusazwe edlula amatshumi amathathu asebhalisele ukuphatheka kukhetho oluzayo njalo manengi alokhu ebhalisa.
