HARARE —
Ingcwethi kwezombusazwe ziveza ukuba uhulumende omutsha ka Mongameli Robert Mugabe lebandla lakhe le Zanu PF babhekane lenkinga ezinengi, ezibalisa indlela impumela yokhetho eyamukelwe ngayo, ukungabi khona kwenhlelo ezicaciceleyo zokuthuthukisa umnotho welizwe kanye lokuvuselela ubudlelwano labakwamanye amazwe.
Lokhu kuvezwe nguMnumzana Hamauswa Shakespear,ofundisa kuhlangothi lwezombusazwe ekolitshini le Universty of Zimbabwe, emhlanganweni lentathelizindaba kanye lamalunga enhlanganiso ezilwela ilungelo loluntu.
Lumhlangano owenzelwe eHarare Club, oqoqwe ngabenhlanganiso yeZimbabwe Democracy Institute,wokuhlaziya inkinga ezibhekane lelizwe ngemva kokuqhutshwa kokhetho lwamhla ka 31 Ntulikazi.
UHamauswa uthi sekuvele sobala ukuba abe Zanu PF abalawo amacebo wokuthuthukisa umnotho lanxa benqobile kukhetho beqina ngohlelo lokutholisa amandla kwezomnotho kuzulu.
Uthi kodwa ilizwe lingathuthuka kuphela inkokheli ze Zanu PF lezi zingazinikela ngokugcweleyo emsebenzini wokusebenzela uzulu owamkhethayo lalowo obephikisa.
UHamauswa uveze njalo ukuba, uMongameli Mugabe ngabe usebenzelana lalabo abekade encintisana labo kulolukhetho ikakhulu umkhokheli welinye lamacele Emdc, uMnumzana Morgan Tsvangirayi ukuze lithuthukiswe ilizwe.
Uthi uhulumende omutsha lo kumele azame ukumanyanisa uzulu kungakhathalekile ukuba ngowaliphi ibandla lezombusazwe lanxa esehlukana ngemibono.
UMongameli Mugabe uzabhekana lobunzima ekukhetheni abaphathintambo uqobo ngenxa yoluhlu lwabameli abakhethwe ukumela uzulu esigabeni sesitshiyagalombili sedale le phalamende kutsho uHamauswa.
Uthi lodaba lokuba ngubani ebandleni lakhe ongathatha ubukhokheli kumele alulungisise uMugabe ngoba lumqoka kwezombusazwe.
Uveze njalo ukuba uMugabe lebandla lakhe balomsebenzi omkhulu wokuletha ithemba kulabo abafisa ukusungula amabhizimusi eZimbabwe kanye lokuvuselela njalo ubudlelwano labamanye amazwe ngoba kungasizi lutho ukusebenzelana labalutshwana ikakhulu kundaba zamabhizimusi.
Lokhu kuvezwe nguMnumzana Hamauswa Shakespear,ofundisa kuhlangothi lwezombusazwe ekolitshini le Universty of Zimbabwe, emhlanganweni lentathelizindaba kanye lamalunga enhlanganiso ezilwela ilungelo loluntu.
Lumhlangano owenzelwe eHarare Club, oqoqwe ngabenhlanganiso yeZimbabwe Democracy Institute,wokuhlaziya inkinga ezibhekane lelizwe ngemva kokuqhutshwa kokhetho lwamhla ka 31 Ntulikazi.
UHamauswa uthi sekuvele sobala ukuba abe Zanu PF abalawo amacebo wokuthuthukisa umnotho lanxa benqobile kukhetho beqina ngohlelo lokutholisa amandla kwezomnotho kuzulu.
Uthi kodwa ilizwe lingathuthuka kuphela inkokheli ze Zanu PF lezi zingazinikela ngokugcweleyo emsebenzini wokusebenzela uzulu owamkhethayo lalowo obephikisa.
UHamauswa uveze njalo ukuba, uMongameli Mugabe ngabe usebenzelana lalabo abekade encintisana labo kulolukhetho ikakhulu umkhokheli welinye lamacele Emdc, uMnumzana Morgan Tsvangirayi ukuze lithuthukiswe ilizwe.
Uthi uhulumende omutsha lo kumele azame ukumanyanisa uzulu kungakhathalekile ukuba ngowaliphi ibandla lezombusazwe lanxa esehlukana ngemibono.
UMongameli Mugabe uzabhekana lobunzima ekukhetheni abaphathintambo uqobo ngenxa yoluhlu lwabameli abakhethwe ukumela uzulu esigabeni sesitshiyagalombili sedale le phalamende kutsho uHamauswa.
Uthi lodaba lokuba ngubani ebandleni lakhe ongathatha ubukhokheli kumele alulungisise uMugabe ngoba lumqoka kwezombusazwe.
Uveze njalo ukuba uMugabe lebandla lakhe balomsebenzi omkhulu wokuletha ithemba kulabo abafisa ukusungula amabhizimusi eZimbabwe kanye lokuvuselela njalo ubudlelwano labamanye amazwe ngoba kungasizi lutho ukusebenzelana labalutshwana ikakhulu kundaba zamabhizimusi.