Abenhlanganiso yezisebenzi eye Zimbabwe Congress of Trade Unions- ZCTU bathi bazatshengisela ezitaladeni ngenhloso yokulwela amalungelo ezisebenzi aqubekela phambili esephulwa elizweni
Unobhala jikelele wenhlanganiso le yezisebenzi le, umnumzana Japhet Moyo uthi kukhanya sokulomkhankaso wokuguqula indlela okumele izisebenzi zisebenze ngayo okuvelela ngakucele likahulumende kungela kukhulumelana lezisebenzi okuyinto ephazamisa amalungelo azo.
Uthi kunsukwana ezisanda kwedlula uzulu uzizwele imbiko yeziphathamandla ezigoqela umnumzana Patrick Chinamasa umpathintambo wezemali, umnumzana Mike Bimha, usikomitshi wemitelo umnumzana Gershom Pasi losibalukhulu we bhanga elikhulu lesizwe umnumzana John Mangudya bekhuthaza ukuba izisebenzi zingengezelelwa iholo ngoba ilizwe lingelamali ethi I general council yabo isivume ukuba kube lokutshengisela ezitaladeni ngenyanga ka April.
U Moyo uthi kulenkinga enkulu ebangela ukuba izisebenzi ezinye zihlale okwenyanga ezithile zingatholi imali ye holo abanye besehliselwa iholo osokusiba yinhlalayenza ibangelwa yimumo wezomnotho elizweni. Uthi abaqatshi babuthelela izimali zama subsriptions kuma union ivela kuzisebenzi ecina ingasafiki kulawo ma unions.
Umnumzana Masimba Kuchera ocubungula ngezombusazwe uthi akaboni indlela yokutshengisela ingaba losekelo oluzwayo ngoba abantu abanengi sebephila ngokuzenzela njalo abasebenzayo bengabesabela imisebenzi yabo ekhanya isilela kangaka ekhuthaza indlela yokukhulumisana.
Ele Zimbabwe libhekane lohlupho lunye lokutshengisela kumalanga asanda kwedlula kuhlanganisela izibotshwa ejele le Chikurubhi kunye le zifundi kumakolitshi ama University akuleli.
Ingcitshi zezenotho zithi sezicina zicabangela ukuba mhlaumbe kungaba lokubuyela kunsuku zokutshengisela ngendlela eqoqiweyo okukhanya kungathola usekelo abantu bonke baphume ngobunengi bekusekela ngoba inhlangothi zonke zempilo zikhanya zibhekane lodubo.