Inhlanganiso ye International Crisis Group ithi ibandla leZanu PF kumele likufake mgceke ukuba ngubani ozakwelama uMongameli Mugabe emhlanganweni webandla leli ozakwenziwa ngenyanga kaMpalakazi lonyaka.
Embikweni eyethule ngoLwesibili linhlanganiso ithi ukudonselana amandla okusebandleni leli sekubangele ukonokala komnotho welizwe ukwenza ilizwe libe lobuyanga ngesiqubu.
Linhlanganiso ithi njalo kumele ibandla leZanu PF livuselele ubedlelwano lamazwe angentshonalanga kunye lenhlanganiso eziselizweni ezilembono eyehlukene lalelibandla ukuze ilizwe lisuke ebunzimeni elikubo.
Lokhu kwenzakala nje umphathintambo wezokuquitshwa kwembiko, uMnu. Jonathan Moyo esithi umnotho welizwe ulezibonelo zokuthi ususiba nganeno. Linhlanganiso yengezelele isithi ukungena kwezombusazwe kukankosikazi Grace Mugabe sekutshiye ezombusazwe elizweni zimi manzonzo.
Kwezamabandla ezombusazwe linhlanganiso ithi amabandla aphikisayo kawasela sisindo ngoba klokudonselana. Kodwa inhlagnaniso ye ICG yona ithi ukuze ilizwe lisuke ebunzimeni kumele amazwe afana le China acebise inkokheli yeZimbabwe.
UChris Gande weStudio Seven uxoxe lengcwethi ecubungula ezombusazwe, uMnu. Mkululeko Sibanda ukuze sizwe imbono yakhe ngaloludaba.
