HARARE —
Ibandla leZanu PF lithi umlamulankunzi owathunywa yi-Sadc ukuphatha udaba lweZimbabwe, uMongameli Jacob Zuma sokumele atshiye leso sikhundla ngemva kokunqoba kwaleli bandla kukhetho olwenziwe mhlaka 31 Ntulikazi. Kodwa icele leMDC elikhokhelwa nguMnu. Morgan Tsvangirai lithi uZuma emele iSadc lokhe eseselawo umsebenzi wokuxazulula inkinga ezibhekane leZimbabwe.
Isikhulumeli seZanu PF uMnumzana Rugare Gumbo utshele iStudio 7 ukuthi uMongameli Zuma sokumele ethule umthwalo wokuba ngumlamulankunzi ngoba ingxaki zeZimbabwe zezombusazwe seziqedwe yikuqhutshwa ngokuthula kokhetho luka mhlaka 31 Ntulikazi.
UZuma uthethe lesi sikhundla asiqhutshelwe ngokunqoba kwakhe uMnumzana Thabo Bheki kukhetho lokukhokhela ibandla elibusayo kwele South Africa ele ANC.
Kulandela udlakela oluqhamuke ngomnyaka ka 2007 lapho okwatshaywa kakubi inhloko kahulumende uMnumzana Tsvangira, inhlanganiso yangezansi kwezwekazi leAfrica eye Southern African Development Community yakhetha ele South Africa ukuthi likhokhele ekulamuleni ingxabano phakathi kwebandla leZanu PF lamacele womabili awe MDC. Ngakhoke ngokuqutshwa kokhetho kakuhle uGumbo uthi umsebenzi kaZuma usufike komlindi uyacina.
Kodwake isikhulumeli se MDC-T uMnumzana Douglas Mwonzora uthi imicabango yeZanu PF le ngeyokuzikhohlisa akulanto enjalo.
Lanxa uZuma etshayele ihlombe uMongameli Mugabe ngokunqoba kwakhe kukhetho luka mhlaka 31 Ntulikazi uMwonzora uthi ibandla lakhe lenhlanganiso yeSadc bale qiniso lokuthi ukhetho yebo lwenziwe ngokuthula kodwa lwaba lokuqiilibezela okukhulu.
Ingcwethi zezombusazwe kanye lozulu bathi ukuvumela ukuthi kuthiwe uZuma seqedile owakhe umsebenzi awuthunywa yiSadc kungaba liphutha elikhulu elingangenisa eleZimbabwe enkingeni ezedlula elivele libhekane lazo.
Inengi lithi ibandla leZanu PF kalilalo ilungelo lokukhipha amagama wokuthi uZuma seqedile umsebenzi wakhe wokuba ngumlamulankunzi ngoba vele kungayisilo elamkhetha ukuthi aqhube lowo msebenzi kodwa wathunywa yinhlanganiso ye Sadc.
Inkokheli ye Sadc ikhangelelwe ukuhlangana esigodlweni seMalawi i-Lilongwe, ngoMgcibelo okulaphoke uZuma akhangelelwe ukwethula umbiko wakhe ngomumo wezinto kwele Zimbabwe.
Isikhulumeli seZanu PF uMnumzana Rugare Gumbo utshele iStudio 7 ukuthi uMongameli Zuma sokumele ethule umthwalo wokuba ngumlamulankunzi ngoba ingxaki zeZimbabwe zezombusazwe seziqedwe yikuqhutshwa ngokuthula kokhetho luka mhlaka 31 Ntulikazi.
UZuma uthethe lesi sikhundla asiqhutshelwe ngokunqoba kwakhe uMnumzana Thabo Bheki kukhetho lokukhokhela ibandla elibusayo kwele South Africa ele ANC.
Kulandela udlakela oluqhamuke ngomnyaka ka 2007 lapho okwatshaywa kakubi inhloko kahulumende uMnumzana Tsvangira, inhlanganiso yangezansi kwezwekazi leAfrica eye Southern African Development Community yakhetha ele South Africa ukuthi likhokhele ekulamuleni ingxabano phakathi kwebandla leZanu PF lamacele womabili awe MDC. Ngakhoke ngokuqutshwa kokhetho kakuhle uGumbo uthi umsebenzi kaZuma usufike komlindi uyacina.
Kodwake isikhulumeli se MDC-T uMnumzana Douglas Mwonzora uthi imicabango yeZanu PF le ngeyokuzikhohlisa akulanto enjalo.
Lanxa uZuma etshayele ihlombe uMongameli Mugabe ngokunqoba kwakhe kukhetho luka mhlaka 31 Ntulikazi uMwonzora uthi ibandla lakhe lenhlanganiso yeSadc bale qiniso lokuthi ukhetho yebo lwenziwe ngokuthula kodwa lwaba lokuqiilibezela okukhulu.
Ingcwethi zezombusazwe kanye lozulu bathi ukuvumela ukuthi kuthiwe uZuma seqedile owakhe umsebenzi awuthunywa yiSadc kungaba liphutha elikhulu elingangenisa eleZimbabwe enkingeni ezedlula elivele libhekane lazo.
Inengi lithi ibandla leZanu PF kalilalo ilungelo lokukhipha amagama wokuthi uZuma seqedile umsebenzi wakhe wokuba ngumlamulankunzi ngoba vele kungayisilo elamkhetha ukuthi aqhube lowo msebenzi kodwa wathunywa yinhlanganiso ye Sadc.
Inkokheli ye Sadc ikhangelelwe ukuhlangana esigodlweni seMalawi i-Lilongwe, ngoMgcibelo okulaphoke uZuma akhangelelwe ukwethula umbiko wakhe ngomumo wezinto kwele Zimbabwe.