HARARE —
Abe Zanu PF bathi bajatshuliswe yindlela abe ZEC abaqhube ngayo ukhetho olusanda kwedlula, bekhuthaza umkhokheli welinye lamacele ebandla le MDC,uMnu. Morgan Tsvangirayi ukuba ehlukane lenkulumo yakhe yokungavumelani lempumela yokhetho ase udaba lwakhe emthethwandaba.
Umsekeli womcebesi kuhlangothi lwezemithetho ebandleni le Zanu PF,uMnumzana Patrick Chinamasa, utshele intathelizindaba emahofisini alelibandla eHarare ukuba impumela yokhetho olusanda kwenziwa ikhomba ukuba banqobe okwedlulise amalawulo ezigabeni ezinengi zelizwe.
UChinamasa uthi abebandla lakhe babonga abenhlanganiso ezize ukuzabona lolukhetho luqhutshwa okufana lequla le Sadc kanye le African Union.
Uthi labo abakhonona phezu kwempumela le abafana loTsvangirayi balelungelo lokusa udaba lwabo emadale aselizweni hatshi ukube lokhe bekhuluma emigwaqweni.
Esekhuluma phezu kobudlelwano be Zimbabwe lamazwe angentshonalanga,uChinamasa uveze ukuba uhulumende webandla lakhe uzasebenza lalamazwe la kuphela angazisusa zonke izijeziso zomnotho ezabekelwa inkokheli zebandla lakhe.
Umkhokheli wequla le Sadc Election Observer Mission enguye njalo umphathintambo wezenzakala phandle kwelizwe kanye lobudlelwano lamanya amazwe kwele Tanzania,uMnumzana Benard Kamillius Membe uthi uyancomeka umsebenzi wokhetho olusanda kuphela.
Emhlanganweni lentathelizindaba uMembe uthi abenhlanganiso yeSadc bakhuthaza inkokheli zamabandla kanye lozulu ukuba bemukele impumela yalolukhetho kube lokusebenzelana ndawonye hatshi udlakela.
Unobhala jikelele enhlanganisweni yeSadc uMnumzana Tomaz Salamao laye ugcizelele lumbono ethi sokumele uzulu weZimbabwe asebenzele ukuthuthukisa ilizwe.
Kuthi oze ekhokhela iqula le African Union owake waba ngumongameli wakwele Nigeria uMnuzana Olesegun Obasanjo laye uthi ukhetho lwalonyaka luqhutshwe ngendlela esuthisayo.
Abe Sadc le AU bakhuthaza uhulumende omutsha lo ukuba alungisise lokho okuseleyo okufana lenguquko ekuvunyelweni kwabethula izindaba ukuba basebenze bekhululekile njengalokho okukusisekelo esitsha sombuso
Umsekeli womcebesi kuhlangothi lwezemithetho ebandleni le Zanu PF,uMnumzana Patrick Chinamasa, utshele intathelizindaba emahofisini alelibandla eHarare ukuba impumela yokhetho olusanda kwenziwa ikhomba ukuba banqobe okwedlulise amalawulo ezigabeni ezinengi zelizwe.
UChinamasa uthi abebandla lakhe babonga abenhlanganiso ezize ukuzabona lolukhetho luqhutshwa okufana lequla le Sadc kanye le African Union.
Uthi labo abakhonona phezu kwempumela le abafana loTsvangirayi balelungelo lokusa udaba lwabo emadale aselizweni hatshi ukube lokhe bekhuluma emigwaqweni.
Esekhuluma phezu kobudlelwano be Zimbabwe lamazwe angentshonalanga,uChinamasa uveze ukuba uhulumende webandla lakhe uzasebenza lalamazwe la kuphela angazisusa zonke izijeziso zomnotho ezabekelwa inkokheli zebandla lakhe.
Umkhokheli wequla le Sadc Election Observer Mission enguye njalo umphathintambo wezenzakala phandle kwelizwe kanye lobudlelwano lamanya amazwe kwele Tanzania,uMnumzana Benard Kamillius Membe uthi uyancomeka umsebenzi wokhetho olusanda kuphela.
Emhlanganweni lentathelizindaba uMembe uthi abenhlanganiso yeSadc bakhuthaza inkokheli zamabandla kanye lozulu ukuba bemukele impumela yalolukhetho kube lokusebenzelana ndawonye hatshi udlakela.
Unobhala jikelele enhlanganisweni yeSadc uMnumzana Tomaz Salamao laye ugcizelele lumbono ethi sokumele uzulu weZimbabwe asebenzele ukuthuthukisa ilizwe.
Kuthi oze ekhokhela iqula le African Union owake waba ngumongameli wakwele Nigeria uMnuzana Olesegun Obasanjo laye uthi ukhetho lwalonyaka luqhutshwe ngendlela esuthisayo.
Abe Sadc le AU bakhuthaza uhulumende omutsha lo ukuba alungisise lokho okuseleyo okufana lenguquko ekuvunyelweni kwabethula izindaba ukuba basebenze bekhululekile njengalokho okukusisekelo esitsha sombuso