BULAWAYO —
Inkulungwane zabafelokazi lezintandane esiqintini se Plumtree zithi ibandla leZanu PF liyazibandlulula kunhlelo zalo zokupha ukudla esezisabalale zagcwala iMangwe yonke ngesikhathi ilizwe lilungiselela ukhetho okukhangelelwe ukuthi luzabanjwa ungakapheli umnyaka ka 2013.
Njengazo zonke izigaba zezansi kweMandebeleni lonyaka, isigaba seMangwe ezansi kwe Plumtree siphakathi kwendlala ehlasele uzulu wonke ngoba isivuno esiphume emasimini lonyaka kungamajodo wodwa.
Ngenxa yokusweleka koncedo oluvela kuhulumende, uzulu walapha uthwele nzima kanti lalabo abalabantwana abaseGoli sebekhathele ngokucela usizo.
Phakathi kwendlala engaka, ibandla le Zanu PF likhokhelwa ngokhangelelwe ukulimela nxa sekudingwa ummeli omutsha we Mangwe ephalamende uMnumzana Obedingwa Mguni selingene phakathi kukazulu lisithi kabhalisele ukuthola ukudla okuqondene labafelokazi, intandane kanye lasebekhokhobele. Okumangalisa uzulu we Mpandeni engeyinye yeziqinti esezethekelelwe yiZanu PF yikuthi lelibandla lipha usizo kubasekeli balo ngendlela esitshiye abanengi abafuna usizo olufanayo beswele ukuthi bona baqonde ngaphi.
Ummeli we Mangwe edale lephalamende uMnumzana Edward Mkhosi uthi likhulu kakhulu inani labafelokazi abagcine abazukulu abazintandane elihlupheka ngendlela ezibuhlungu abalandwa libandla le Zanu PF libathembisa ukudla, imigodi yegolide lokunye okunengi ukuze balivotele.
Uqhubeke esithi ubandlululo olwenziwa libandla le Zanu PF luqonde ukuthi labo abacatshangelwa ukuthi basekela amabandla aphikisana layo babulawe yindlala ngenxa yokuthi ukudla okulutshwana okuphuma kuhulumende kufika emaphandleni sekuthiwa yisipho esivela ku Zanu PF esiya kubasekeli bayo.
Ezikhulumela yena, uMguni utshele iStudio 7 ecingweni ukuthi inhlelo zakhe eziseMangwe azibandlululi muntu. Uthi angeke akhethe uma esipha uncedo kodwa ingqoloyi ahamba eyipha abasekeli be Zanu PF abalwa impi yenkululeko luvela kuMongameli Mugabe njalo luyisibongo kubasekeli bakhe ababhekane lendlala. Uthe okunye akupha uzulu ngokuphuma esikhwameni sakhe ngaphansi kwenhlelo zakhe zentuthuko, zona athi azilani lezombusazwe.
Njengazo zonke izigaba zezansi kweMandebeleni lonyaka, isigaba seMangwe ezansi kwe Plumtree siphakathi kwendlala ehlasele uzulu wonke ngoba isivuno esiphume emasimini lonyaka kungamajodo wodwa.
Ngenxa yokusweleka koncedo oluvela kuhulumende, uzulu walapha uthwele nzima kanti lalabo abalabantwana abaseGoli sebekhathele ngokucela usizo.
Phakathi kwendlala engaka, ibandla le Zanu PF likhokhelwa ngokhangelelwe ukulimela nxa sekudingwa ummeli omutsha we Mangwe ephalamende uMnumzana Obedingwa Mguni selingene phakathi kukazulu lisithi kabhalisele ukuthola ukudla okuqondene labafelokazi, intandane kanye lasebekhokhobele. Okumangalisa uzulu we Mpandeni engeyinye yeziqinti esezethekelelwe yiZanu PF yikuthi lelibandla lipha usizo kubasekeli balo ngendlela esitshiye abanengi abafuna usizo olufanayo beswele ukuthi bona baqonde ngaphi.
Ummeli we Mangwe edale lephalamende uMnumzana Edward Mkhosi uthi likhulu kakhulu inani labafelokazi abagcine abazukulu abazintandane elihlupheka ngendlela ezibuhlungu abalandwa libandla le Zanu PF libathembisa ukudla, imigodi yegolide lokunye okunengi ukuze balivotele.
Uqhubeke esithi ubandlululo olwenziwa libandla le Zanu PF luqonde ukuthi labo abacatshangelwa ukuthi basekela amabandla aphikisana layo babulawe yindlala ngenxa yokuthi ukudla okulutshwana okuphuma kuhulumende kufika emaphandleni sekuthiwa yisipho esivela ku Zanu PF esiya kubasekeli bayo.
Ezikhulumela yena, uMguni utshele iStudio 7 ecingweni ukuthi inhlelo zakhe eziseMangwe azibandlululi muntu. Uthi angeke akhethe uma esipha uncedo kodwa ingqoloyi ahamba eyipha abasekeli be Zanu PF abalwa impi yenkululeko luvela kuMongameli Mugabe njalo luyisibongo kubasekeli bakhe ababhekane lendlala. Uthe okunye akupha uzulu ngokuphuma esikhwameni sakhe ngaphansi kwenhlelo zakhe zentuthuko, zona athi azilani lezombusazwe.
