WASHINGTON DC —
Ibandla leZanu PF selithumele umgcinisihlalo walo uMnu Simon Khaya Moyo ezabelweni ezifana leMashonaland West leManicaland ukuyazama ukuqeda ukudonselana okukhona phezu kwabantu abamele bancintise kukhetho oluzayo.
Idale lalelibandla elePolitburo yilo eliphe uKhaya Moyo umlandu lo emhlanganweni eliwenze ngoLwesine eHarare.
Emhlanganweni lo, amalunga aleli dale aphathe kabanzi udaba lokudonselana okukhona kubandla kodwa ehluleka ukuvumelana ekuthini abazancitisa kukhetho oluzayo kumele bakhethwe njani.
Ngalokho, iPolitburo izahluza njalo loludaba ngeviki ezayo.
Lelidale likhethe uMnu Calistas Ndlovu ukuthi abe ngumgcinisihlalo webandla koBulawayo kanye loMnu Isaac Dhakamela ukuthi abe ngumsekeli wakhe.
UNtungamili Nkomo weStudio Seven ubuze ingcwethi kwezombusazwe uMnu Effie Dlela Ncube ukuthi ubona uMnu Khaya Moyo ephumelela na ekuqedeni ukudonselana okukhona kubandla.
Idale lalelibandla elePolitburo yilo eliphe uKhaya Moyo umlandu lo emhlanganweni eliwenze ngoLwesine eHarare.
Emhlanganweni lo, amalunga aleli dale aphathe kabanzi udaba lokudonselana okukhona kubandla kodwa ehluleka ukuvumelana ekuthini abazancitisa kukhetho oluzayo kumele bakhethwe njani.
Ngalokho, iPolitburo izahluza njalo loludaba ngeviki ezayo.
Lelidale likhethe uMnu Calistas Ndlovu ukuthi abe ngumgcinisihlalo webandla koBulawayo kanye loMnu Isaac Dhakamela ukuthi abe ngumsekeli wakhe.
UNtungamili Nkomo weStudio Seven ubuze ingcwethi kwezombusazwe uMnu Effie Dlela Ncube ukuthi ubona uMnu Khaya Moyo ephumelela na ekuqedeni ukudonselana okukhona kubandla.
