WASHINGTON DC —
Umahluli womthethwandaba waphezulu we Supreme uChief Justice Godfrey Chidyausiku usephe ibandla leZanu PF amalanga amathathu ukuthi alethe edale imicijo yokuphikisa udaba lukamnumzana Munyaradzi Kereke oxotshwe ukuba ngummeli wesigaba se Bikita West edale lephalamende.
UChidyausiku uphinde wagcizelela ukuthi kumele udaba lolu luthoniswe ngesiphangiphangi.
UKereke uxotshwe ukumela isigaba se Bikita West ngemva kokwala ukulalela umlayo we Zanu PF wokuthi engancintisi kukhetho luka 31Ntulikazi.
Ibandla le MDC-T lihle lathi selilungele ukuncintisa esigabeni lesi esibikwe ngumlawuli wedale, uMnu. Jacob Mudenda ukuba kasisela mmeli. Oncintise emele lelibandla nguMnumzana Heya Shoko onqotshwiyo ndawonye loMnu. Elias Musakwa oncintise emele ibandla leZanu PF.
Loludaba luzathethwa ngoLwesithathu oluzayo. UKereke yena uthi uncintise ezimele ngoba ibandla leZanu PF laselivele selimxotshile ebandleni njalo bekungela sikhathi sokuthi asuse impawu yeZanu PF kumaphepha okuvota.
Sixoxe lengcwethi ecubungula ezombusazwe, uMnu. Brilliant Mhlanga othi uKereke usetshenziswa njengesibonelo kumalunga eZanu PF angafuna ukuphikisa izinqumo zebandla leli.
UChidyausiku uphinde wagcizelela ukuthi kumele udaba lolu luthoniswe ngesiphangiphangi.
UKereke uxotshwe ukumela isigaba se Bikita West ngemva kokwala ukulalela umlayo we Zanu PF wokuthi engancintisi kukhetho luka 31Ntulikazi.
Ibandla le MDC-T lihle lathi selilungele ukuncintisa esigabeni lesi esibikwe ngumlawuli wedale, uMnu. Jacob Mudenda ukuba kasisela mmeli. Oncintise emele lelibandla nguMnumzana Heya Shoko onqotshwiyo ndawonye loMnu. Elias Musakwa oncintise emele ibandla leZanu PF.
Loludaba luzathethwa ngoLwesithathu oluzayo. UKereke yena uthi uncintise ezimele ngoba ibandla leZanu PF laselivele selimxotshile ebandleni njalo bekungela sikhathi sokuthi asuse impawu yeZanu PF kumaphepha okuvota.
Sixoxe lengcwethi ecubungula ezombusazwe, uMnu. Brilliant Mhlanga othi uKereke usetshenziswa njengesibonelo kumalunga eZanu PF angafuna ukuphikisa izinqumo zebandla leli.
