HARARE —
Abebandla leZanu PF sebexotshe njalo amanye amalunga alo amathathu kilo kusitsho ukuba sokuzakuyiwa kolunye njalo ukhetho lwama By-elections.
Laba ngabablisa obemela isigaba seMbire edale lephalamende, umnumzana David Butau, obemela isigaba se Mwenezi East umnumzana Kudakwashe Bhasikiti kanye lobemela isigaba se Marondera Central umnumzana Ray Kaukonde.
Lokhu kuza ngemva kokuba lelibandla libhalele umlawuli wedale lephalamende umnumzana Jacob Mudenda, ukumazisa ukuba kabaseyiwo ngamalunga alo.
Baxotshiwe ebandleni laba bantu, besetheswa umlandu wokusebenzelana lowake waba ngumsekeli kamongameli Robert Mugabe, unkosikazi Joice Mujuru ekuthini bagenqule umbuso kamongameli Robert Mugabe.